المشاركة الأصلية كتبت بواسطة عيوني تحكيني

من ضمـن كلامك تقول أن شكلك أصغر من عمـرك ..
وأنك خايف من الأحراج ..

ليش تفكـر كذا ؟؟
ليش ماتـكون واثق من نفسك ..؟؟
أنت الآن في مرحلـة التغيـر ..
بعد ثلاث سنوات أو أربع بتشوف نفسك تغيرت وملامحك صارت أكبر من قبل ..
وبعـدين أم البنت قالت خليه يجي يتقدم بعد ماتتخرجون من الثانوي ..
اللي يتخرج من الثانوي ويبدأ يشق طريقه ويبني مستقبله مو صغير ..
كل اللي عليك أنك تعزز الثقه بداخلك وماتحطم نفسك ..

وخذها قاعده عنـدك ..
لمـا تكون واثق من نفسك الناس تشوفك بنفس المنظور اللي أنت تشوفه لنفسك ..
أما اذا حطمت من قدراتك ماراح تتقـدم خطـوه وحده لقدام ..


وأنا عنـدي لك رأي ..
وش رايك تخلي أمك تكلـم أمهـا ..
وتفهمـا أن الولد شاريكم ومايبغى البنت تروح عليـه ..
وودنا أنهم يكملون دراستهم وتصبرون عليه ألين يتخرج والأيام تمشي بسرعه
وهي بعد ماتروح عليها دراستها ..
وأن شالله أمـك تكون باب خير عليك ويتفهمـون وضعك ..

وفيه نقطـه اخيره بقولها لك ..
مهمــا أحبطـتك الناس في كلامهم ..لاتلتــفت لهم أبـــــدا .
مدام أنك ماشي في طاعة الله لايهمـك الناس ..
الناس ياما حطمـت وياما ضحكت وياما جرحت ..
لكن العاقل والواعي مايحسب لكلامهم أي حساب ..
أخوي لما دخل الطب الكل حطمـه وقالوا ماراح تنجـح وماراح تقـدر على الطب .
اللحين أخوي في آخـر سنه طب وبيتخرج بعد كم شهر
والناس اللي كانت تضحك عليه اللحين عرفوا أنه قـد الطب ..