يااختي تجهزي لمشوارك بدري واول مايجي طالع الزقي بظهره

والا اسبقيه على السيارة واركبي معاه خليه يوديك مشوارك

احيان بعض الأزواج يطفشوا ويملوا من تأخر الزوجة وهي تتجهز

تبغى تروح مشوار وكمان يكرهوا لفلفة الأسواق علشان كذا

يتحججوا ويدوروا اعذار لهم علشان ينعفون من هالمشاوير

وإذا وجدوا من يعتمدون عليه ويثقون فيه يودي عيالهم وحريمهم

لمشاويرهم قالوا الفكة غنيمة حنا ارتحنا من الروحة والجية

وزوجك باين عليه معتمد على ابوه لاكن انتي حاولي

إنك ماتخلينه يعتمد على روحاتك وجياتك مع ابوه يعني لاتطلبي

تروحي مشوار إلا لما تتأكدي إن عمك مو موجود بالبيت يعني رايح

لأي مكان خلي مشاويرك في اثناء غياب عمك وحطي زوجك

امام الأمر الواقع واطلبي منه يوديك وين ماتبغين وبكذا إن شاء

الله يتعود وينصلح حاله طبعا انتم الحين في بداية زواجكم ويمكن
إنه مايحس بالمسؤلية اللي عليه لاكن لو شفتي مانفع معاك اي

حل ماقدامك إلا إنك ترجيين الشايب بالمشاوير ر ج حتى ابوه

ابوه يطفش منك ويحط حرته في ولده ويقول له انا ما ني سواق

عندك رو ح ود زوجتك مشاويرها انا خلاص تعبت من الروحة
والجية
يمكن زوجك يستحي من ابوه ويهتم شوية بمسؤليته عنكم

بعدين انتي اسحبي زوجك للبيت بذكائك وفطنتك ترى والله إن

الزوج إذا ماقدرتي تحافظي عليه وتجذبيه لك من بداية الزواج

ترى والله يتعود ويضيع منك بالذات لو كان حق استراحات

وطلعات مع اصحابه ما راح يحس بالمسؤلية اللي عليه ولا تحرميه

من الطلعات مع اصحابه على طول خليك بالتدريج اجذبيه نحوك

خليه يتعلق فيك ويحب الجلسة معك في البيت واطلعوا مع بعض

وتمشوا وشاركيه افكاره وتناقشوا في المستقبل تقربوا من

بعض اكثر خليه يحب السوالف معاك ومايقدر يستغني عنك

مو مشكلة خليه يرو ح لأصحابه بس في اوقات معينه انتم تتفقوا

عليها وتنضموها وترتبوها خلوا لكم جدول في الأسبوع انتي

لمشاويرك ولزياراتك وهو كذلك وخلوا لكم وقت خاص تجلسوا

فيه مع بعض وتطلعوا تتمشون وتتسوقون فيه مع بعض

الحياة الزوجية تحتاج لترابط والتآلف مع بعض من البداية

وعلشان حياتك الزوجية تكون ناجحة لازم تأسسها من بدري

واجمل شئ في تأسيسها وبنائها البناء الصحيح هو إنك تفهم

شريكك وتفهم طبعه وتعرف طريقة تفكيرة وتناقشه وتحاوره

في مايسوئك منه بكل ود واحترام وتقدير وتختار الوقت المناسب

لنقاشه طبعا بدون اغفال الجوانب الجميلة التي تجدها فيه يجب

ذكر حسناته وصفاته الطيبه مع بعض المدح والثناء والشكر والتقدير

لشريكك حتى تتمكن من خلق جو جميل ولطيف لنقاش ويتسنى

لك طرح ماتريد طرحه وبإذن الله ستكون النتائج طيبه ورائعة

لكل الطرفين .

اسأل الله ان يسعدكم ويوفقكم ويؤلف بين قلوبكم بالمحبة

والمودة والرحمة يارب .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله