منتدى عالم الأسرة والمجتمع - عرض مشاركة واحدة

21-02-2012, 12:23 PM

Reemo0o

عضو جديد

تاريخ التسجيل: Feb 2012

المشاركات: 6

خطيبي ,,والتدخين ,,

السلام عليكم ورحمة الله وبركاته.....

أنا عضوة جديد ومحتاجه مشورتكم

أنا متملكه من سنتين. و الحمد الله علاقتي بخطيبتي تمام وكل شي ماشي الحمدالله :14:,

المشكله عندي التدخين وهاذي المشكله الي طلع لي فيها قبل ايام ,,,,,البداية ,,,,

لما جاء وخطبني سالنا عنه وكل شي فيه الحمدالله كويس السلبية الموجوده التدخين,,,, كان قد بداء فيه من فترة ناقشنا الموضوع معه و مع والده وانحلت المشكله وبطل لفتره طويلة ,,,,وتملكنا ومرت سنتين على خير كان من شروطي تدخين ممنوع وسنتين بعدها زواج لظروف دراستي ,,,, قبل عدة اشهر خرج لتحضير الماجستير في امريكا ,,,,ولاحظت بعض الصور الخاصه فيه وفيها علبة دخان اكثر من مره ,,,,سالتــه ,,,جلس يماطل بالكلام ,,,ويضيع بالسالفة وقلت له انو شرط من شروطي هذا الشي ومااقبل فيه ابدا ,,,عبر لي بكلامه انه يدخن ومن فترة بسيطة ومزاجيات يعني بمزاجه ومو ناوي يتركه,,,, قلت اوك نترك بعض فترة بسيطه فكر بكلامي وقرر لاني من المستحيل اقبل فيك كذا ,,,,زعل كثير وليش تقولين نترك بعض وتجنن طاري الفرقا لاعاد تقولينه ابدا ,,,,,تقريبا على هالحال 3 ايام يعيد ويزيد في الموضوع واني مستعده اتركه عشان دخان ,,,بالنسبه له حاجه هينه ومو مستاهله ينبني عليها موضوع كبير زي الزواج ,,,,وانا مؤمنه انه سلبية كبيره لشخص بنفسه وانو الاولى اذا استهان فيه الشخص جرت الثانيه ,,,,وعدني انو يبطله عشاني بس انتظر عليه فتره ,,,,الامور ماتجي بهالسهوله ,,,

بصراحه مادخل مزاجي الكلام اولا,,,ماعندي ضمانه ممكن يقول بطلته وهو لسى عليه ,,,اهلي رافضين هالفكرره تماما وانا معهم ,,,طبعا تركت الموضوع شخصية بيني وبينه مااحب ادخل الاهل بشي ,,,احبه واعزه كثير ,,,,

متحيرة كثير فكرت ,,,,,في النهاية قررت انو لازم اواجهه احيانا هالمواضيع تحتاج موقف حازم واقوله اي موضوع لزواج يتاجل لين تبطل ,,,واذا مو مستعد تبطله ,,مااقدر اكمل حياتي كذا ,,,الحياه ياابيض يااسود,,,بصراحه هالقرار اني مااستمر معه بيكون من ورا قلبي بس عشان مصلحتنا في النهايه

,,,

محتاجه ارائكم في هالمشكله ممكن البعض يعتبره عادي لكن انا اشوفها كبيره وكثير ناس اعرفهم تدمرت بيوت عشانه ,,,

ياليـــــــــــــــــــــــــــــــــــــت ماتبخلون علي باارائكم ,,,,