خطيبتك اما فاهمه ان هذا معنى الثقل وهالشي اللي بيكبرها فعينك
او ان حد من اهلها موصيها ومحرصها على كذا وهذا الشي الطبيعي عندهم وانو عيب اذا زوجها كلمها قدامهم

ولا من جد شي غريب .. ليش تزعل لانك كلمتها ا
ةلصبح! وتحدد المكالمه نص ساعه!

انا زوجي في فتره الملكة كان طول الوقت يتصل حتى فقمة شغله بس يطمن علي واذا ناقصني شي
مكالمته فتره الصبح ما تتعدا الدقايق بس عشان ما يشغلني عن دراستي بس فنفس الوقت يحسسني باهتمامه
وبالليل قبل لا ننام سوالف
اللي احبه انه للحين .. بعد مرور سنتين على زواجي .. ماترك عادته انه يتصل يطمن علي.. حتى لما اكون بيت اهلي. رايحة لعشا او غدى لازم يرسل او يتصل يطمن
حتى خواتي دوم يقولون حلو اهتمام زوجك .. مستحيل تكوني معنا وما يتصل يطمن
احس هالشي يفرحني مو يزعل!

خطيبتك تقول تحبك .. خليها تترجم هالحب والتعلق بطريقه ترضيك واكيد ترضيها كأنثى حتى لو ماتبين
قولها انك محتاج عاطفه واهتمام .. محتاج تتواصل معها وتشكيلها همومك وتعبك .. قولها انك محتاجها تكون قريبه منك من الحين لاخر العمر
قولها انك تزوجت عشان تعف نفسك وتعيش الحلال .. ماتعيش بقوانين وجو عسكريه!
انتو الحين بتعودوا انفسكم على طبايع بتبقى معكم طول حياتكم
اذا اصرت على موقفها .. قولها ان هذا اختيارها وانها هي اختارت انها تكون " اوت" وبعيده عنك بهالقوانين
ولا تلوم الا نفسها اذا صرت جاف معها >> طبعا بس تهديد مو تسويها صح

حاول تبين لها فرحتك بأي تغير منها.. مثلا اذا اتصلت فيها على غفله وردت طرشلها ورد فنفس اليوم وعبرلها عن فرحتك
مره ورد .. مره علبه باتشي.. وهيك اشياء بسيطه
الهدايا تلين النفوس.. انا ما اقولك تكلف بالهدايا .. صدقني البنات اشياء بسيطه تبسطهم

كلمها عن طاعه الزوج وفضل طاعة الزوج>>> زوجي كان ذالني بهالكلام بس جاب فايده لوول