اقتباس:
المشاركة الأصلية كتبت بواسطة فديت ال M
ياخي مرتين امسك نفسي ما اريد اعلق لكن ارتفع ضغطي
شو هالتفكير.. اخون اهلي وما اخون اهلي
كله كوم وسالفة الساعه 12 كوم ثاني
عيل ليش تقولك كلام غزل وحب .. هذا مو خيانه لاهلها؟!!!!'
انت زوجها ولا البوي فريند عشان تخون اهلها!!!!!
استغرب صراحه من اللي يقول ما نتكلم فتره الملكة عشان ماتصير مشاكل !! يعني بعد الزواج عادي هالمشاكل تصير؟!!
احس بالعكس المفروض فتره الملكه تكون اجمل الايام لانها ماتتعوض .. فيها المباح الممنوع.. فيها العشاق المتواصلين على طوول
كيف بيزيد الحب اذا المكالمه كل اسبوعين او 3 اسابيع
والرسايل من الساعه كذا للساعه كذا
شغل هذا ولا زواج وحب
فهمها ان التواصل يزيد من الحب والاهتمام .. ما يزيد المشاكل!
فهمها انك ولد قبايل وما بتتعدا المعقول فهالفتره.. لمسه كف وتجلسوا قريبين ما ارتكبتوا محرم!
انت ادرج معها لا تقولها من البدايه تريد بوسه وحضن لان شي طبيعي بترفض
خلي سالفه كسر الحواجز بشكل عفوي تصير وقرب العرس يكون افضلك
الله يزيدكم الفه ومحبة ويبعد عنكم المشاكل
|
الله يسعدك ع الرد ..
أنا معاك ماقلتها من البدايه بالعكس بالتدريج بس زي ماذكرت سابقا .. والله أحس بالقهر أشوف زملائي المتملكين يسوون أشياء كثيرة ومكالمات في كل وقت و أنا لا ..
وأزيدك من الشعر بيت ماترد عليا إلا من بعد 9:30 الليل إلى 12:00 تقول مشغووولة إلى هذا الوقت هذا وهي المكالمة مرة في الثلاثة أسابيع وبشرط المكالمة ماتتعدى نصف ساعة ..
حاولت أقنعت مافيه فايدة طبعا من يوم تملكت ماعمري كلمتها في النهار إلا مرة وزعلت علي زعل شديد تقول ليش أتصل عليها في النهار وحنا محددين وقت نتكلم فيه قصدها من 9:30 .
مع إنها دائما تصارحني إنها تحبني ومتعلقه فيني ..
صراحة لو كنت أدري يالملكة إنها زي كذا ماكان تملكت أحس إني استعجلت ..