مشكورين جميعاً على المشاعر الطيبه كلمة حق للاخت سوسو كلامج لخبط حساباتي ومن البارحه وانا أفكر الله يجيب اللي فيه الخير.
عمي جاء المغرب وكان هادي ويلس في صاله حدود ساعتين وانا مجابله كنت أقول متى بيطلب من لجين تنزل عشان نتفاهم ومرت الساعتين وهو ساكت يتابع تلفزيون عقبها قام صلاة العشاء وأنا على اعصابي رحت سالته أنادي لجين ناظر فيني وقال ليش مستعجل خلاني شوي وقالي رح ناديها تصدقون يوم دخلت عندها وعلمتها انه أبوها موجود حسيتها مصدومه لانه لها مده ما شافته نزلت ركض لتحت وأنا مستغرب هذه حرمه ولا ياهل المهم رمت نفسها بحضنه وقعدت تصيح ومافي على لسانها لا تخليني بروحي أنا تعبانه عمي وجهه بدأ يحمر وعيونه صوبي خالد شو سالفه , حاولت أكون هادي ومصدوم بنفس الوقت ورديت بهدؤ هي بحضنك سالها اذا سويت فيها شيء عاد شوفوا هو شلون يطبطب عليها ويمسح دموعها تقولون ياهل وهو طبعه ما يحب يناقشها جدام أحد اخذها وراح الحجره ولا حس ولا خبر ولا عبرني انا أخذت عمري وطلعت من البيت وقلت يباني بيتصلي .
توقعت منه يتفاهم وياها يتناقش بصراحه تعبت وبنشوف باجر على شو ناوي عمي.