عندي تعليقات بسيطه ياختي على الكتابه بالاحمر

تقولي حلل لك كثير من المواقف الصادره من الرجال عموما ...؟ ممكن تشرحيلي كم عدد الرجال الي واجهتيهم خيلانك وعمانك واخوانك وزوجك << كم يجون تقريبا..؟ وسبحان الله العينه هذي اكدولك هالشي

واحترنا معاكي ماندري نصدقك بها الرد او ردك بموضوع الاخت وضحى ..,, قلتي هنا مو قايله الخراط لاني ضد العنصريه وبموضوع الاخت وضحى قلتي الرجال خراط..؟ ماعلينا نمشيها لك هالمره بس



وقلتي الرجل يغلب جانب العقل على المشاعر و يهتم لأمور المجردة العقلية فيبالغ فيها
واجزم لك الحين لو اقول لكل شخص يعطيني تفسير ومثال لها الجمله بتسمعي اشكال والوان
لانك فهمتيها على نظرتك القاصره بها الموضوع والي اثبتلي امثلتك الي مو بمحلها :
ايش دخل الرجل يوم يبتلا بها العيب التمليح الزائد وممكن استشهدي هالشي من تجاربك الخاصه نقول معليش بس تحكمي عليها هنا الكارثه
وعلى فكره هالجمله تراك مزوده من عندك يوم قلتي يغلب جانب العقل على المشاعر و يهتم لأمور المجردة العقلية فيبالغ فيها<< فيبالغ فيها مو مذكورة بالكتاب
والحين مين الي يملح بالسالفه ويكبرها
وخلينا من ذا ونروح لمحور اخر
وقوع الفتاه ضحية نصب الرجل ,, مبالغة المرأه بالعاطفه هذا سبب ومايخفى عالجميع بس من هي الي تنساق ورا عواطفها بها الامور...؟ لاحظي من حولك جميعهم يعانو من مشاكل سوائن نفسيه او اسريه ويتخلصو من هالمشاكل والضغوطات بانجرافهم
ولا كلنا نعرف المرأه عاطفيه من كلمه شكر او مدح تنبسط بس انها تنساق ورا عواطفها وتكون ضحيه ماتتقبلها اي امرأه باستثناء الي تعاني من مشاكل وتتهرب من واقعها
وقلتي الرجل يبالغ بالحقائق المجردة فينصب عليها <<< اريد تفسير لها الجمله مابي مثال الله يرضى عليكي

الحقائق المجرده ياختي هي الحقائق المرئية الي توحي للشخص مكانه ومنصب مثل منصب الوزير هذي حقيقه كل رجل تنصب عينه عليها ويطمح للوصول لها مافيها ادنى شك وهي بعيده عن هالرجل مثلا يكون مدرس او عسكري هذي هي الحقائق المجرده شي ملموس حقيقي بس مستحيل يصل له هذي الاشياء الي يجري وراها الرجل مثل التجاره ويطمح يكون تاجر وا وا وا اغلب الرجال الا 80% منهم هم مثل كذا ولاحظي زوجك يهتم يبني ارض ومن بعد الارض يفكر اراضي وثما فلل وا وا وا مايوقف تفكيره عن الحقائق هذي
وكيف فهمتي انتي انا مدري وقلتي سببها تقع الفتاه ضحية الرجل بسبب حقائق مجردة

وبالاول والاخير انا اتفق معك انصح الكل بقرائته وبيستمتع فيه بس اتمنى يقع الكتاب بايدي ناس عاقله ورزينه حتى تطرح فكرة هالكتاب
مو مثلك ياختي بها الاسلوب وهالشكل وكانك تبي تثبتي لنا ان الرجل فيه وفيه وتشفي غليلك من اسباب خاصه فيكي الله واعلم

وانا اعتذر ان كان كلامي ضايقك او ضايق اي قارئ وبالاول والاخير هو نقاش الكل يدلو بدلوه
ووالله مافيه اي تهكم فيك شخصيا او بفئه اخواتنا النساء لانهن مربيات اجيال ومالنا غنى عنهم
بس تحليلك وتفسيراتك للكتاب واضحه نيتها وعسا الله يهديك ويهدينا ويصلح لنا امورنا