اشكركم لتعاونكم معي ..

بعد اجتماع امس و النقاش و الجدال الطويل
و أمي الله يهديها راحت جابت بنتي و دخلتها
بينا .. و تعلقت بابوها ..
يقول أنتي ما حبيتيني و لا عمرك حبيتيني و الا ما
فرقتينا بكل هالبساطة ..
أنا مو ظالمك و باقي عليك و بنت عمي من اهلي
و لا اقدر اكسر نفسها و اطلقها ...
يعني أنا مو من اهله عادي جدا يكسر نفسي ..!!
و يقول رضا أمي بزواجي منها .. امه اللي كنت ألوم
سلفاتي فيها و يقولون ما تعرفينها ..! طلعت أنا الساذجة
و رضيت انها تسكن معي بنفس بيتي وقت مرضها و كنت
اخدمها بنفسي مع ان عندها شغاله سنتين و هي
عندي ...
كل هالحقد بقلبها علي ...!!! بدون ادني سبب ..!
يا سبحان الله يا نفوس بعض البشر ...
قلت له أني ما ابغاه يطلق بنت عمه و لا ابغي منه
فلوس او غيره ..
اذا كنت ماحبيتك مثل ما تقول حقك علي ..
بس اللي ابغاه تطلقني بالمعروف ...
قال أنا ما اقصد ادري انك ما قصرتي و انك منتي مثل
كل حريم إخواني و لا حتي بنت عمي لكن الظروف ..
أنت حساسة و مندفعة و راح تخسرينا حياتنا و بنتنا و
تهدمين راحتنا ... بنت عمي لا تعتبرينها هي شي وانتي
شي ثاني .. جربيني سنة وحدة بس ..
و طاااال النقاش ..
لكن الحمدلله بالأخير تم الطلاق ...
و بنتي راحت معه لكن شوي و هو مرجعها اصلا مستحيل
يتحمل مسوليتها اعرفه زين ..
أنا ما انكر أني حزنت جدا كل شي بلحظة يروح بدون
غلط منك .. و كل شي كرست حياتك له يطلع ما يستأهل
لكن اشعر أني لاول مرة اهتم لنفسي ..
و افكر فيها قبل اي شي ثاني ...