أحس أنك ظلمتي خطيبك ... هو ما شجعها وانما تفاجأ بطريقة كلامها وخاف مثل ما شرح لك فما عنفها ... حطي نفسك مكانه أكيد راح تنصدمي وتسكتي ... يكفي انه قاوم عرضها ورفض .
لا تساعديها عليه وتغضبي منه على شيء صغير .

خطيبك واضح معك فلا تخوفيه من ردة فعلك وما يعود يصارحك باللي يصير معاه

كان موقفك منه وقت روايته للقصة كافي وكان المفروض بعدها ترجعي معاه طبيعية .

ولا تخلي الشيطان يوسوس لك ... هو ذكر لك القصة بتفصيل فما اظن في شيء مخفي . قاومي وساوسك هذي بالمعوذات والكرسي والذكر والاستغفار وراح تهدا نفسك وترجعي مثل أول

في زوجات وبنات تقدر تكسب خطيبها وتخليه يرجع لها بعد ما يكون خان وكلم غيرها بكلام عشق وهيام مو كلام شغل وصد ومع ذلك تكسبه وترجعه لها باللين والنصيحة ومساعدته على تقوية دينه فيقاوم بسهولة وما يوقع بالغلط مو بالعصبية والغضب والقطيعة .

الان لا تبادري باتصال لكن لما يتصل أو يرسل لك جاوبي عليه عادي ولا كأنه صار شي .

__________________