المشاركة الأصلية كتبت بواسطة over love

ورد حبيبتي أي قرار يخصك لوحدك راح أدعمك فيه اذا تشوفين راحتك واستقرارك فيه طبعا بعد ماتستخيرين وتهدى نفسيتك ..

اذا قررتي الطلاق فهو حقك إذا زواجه عليك ماتتحملينه أو فيه ضرر نفسي كبير ومحد يقدر يقيم وضعك ويحس بمشاعرك الا أنتي

ولكن لى تعقيب على الأقتباس هذا !



الى فهمته أنك ممكن تمنعينه من زياره بنته أو تتأملين أنه يلهى وينساها مع الألتزامات المستقبليه !

اذا هذا الى تقصدينه وأتمنى تراجعين نفسك !

مومن حق أى أحد يمنع أب من شوفت بنته أو يحرم البنت من أبوها حرام وظلم كبير وأنانيه منك

قرارك الى يخصك هو أنك تتطلقين أو تستمرين فهو لك أما بنتك لا وألف لا

لاتدمرين نفسيتها ولاتيتمين البنت وأبوها حي يبقى ابوها وتحتاجه سواء حبها او لا درى عنها أو لا

ترى أنا مطلقه وعانيت أشد معانات سرقني وغدر فيني بأختصار خذاني لحم ورمانى عظم لكن والله وبالله

مافكرت للحظه أدخل بنتي بينى وبينه مهما كان يبقى أبوها وعزوتها ونفسية بنتى اهم منى ومن مشاعرى

وجرحي ومامنعتها عنه وحببتها فيه والحين أهو متعلق فيها بعد 4 سنوات صبر صارت طلبات بنتى أوامر

عنده مشاءالله ويسأل عنها مع أن عنده عيال من غيري بعدي بس تبقى بنتى لها مكانتها الخاصه والمميزه !

ماقولك هالكلام أستعرض فيه صبري او تربيتي بس عشان تعرفين أنى مغدوره ومغبونه وموجوعه مثلك

لكن حبيت افهمك أن مهما بلغ فيك الألم لازم بنتك ماتكوون طرف ولاتدخلينها بالموضوع وبأمكانك ماتخلينها ضحيه طلاقكم ان تطلقتو بتحبيبها بوالدها ومواصلتها له