لحظة حبيبتي ... الللي قاعدة تعمليه لا هو التطنيش اللي قصدناه أنا والبنات هنا ولا هو المسايره اللي قال لك عنها المستشار ... موضوع اللون اللي بالثوب صار عليه نقاش والجماع عليه نقاش شبه يومي .
لو أنك لما دخل سويتي واجباته من عشا أو شاي بوجه منشرح وبعدها تركتيه براحته ورحتي كملتي أشغالك .. قرأتي لك جزء قرءان .. صليتي ونمتي كنتي وقتها سويتي نصيحتنا احنا وبنفس الوقت نصيحة المستشار .
صدقيني كنتي راح تكوني مرتاحه أكثر ... لأنك متضايقة من موقفه لو تركتيه كنتي راح ترتاحي من مناقشته وزيادة تعب أعصابك و لما قرأتي القرءان ارتاحت نفسيتك وهديتي . وبنفس الوقت ما تكوني أهملتيه وعملتي بنصيحة المستشار بأنك ما ناقشتي ولا عاتبتي وعملتي كل طلباته .
أشوف أكثر نصيحة ينصحوها لزوجات المعددين وللمعددين أنه لما يدخل البيت ينسى البيت الثاني وما يجيب سيرة الثانية عند الأولى .. ونفس الشي عند الثانية ... المفروض ما يدخل أي من زوجاته بأمور الثانية ولا يعرفها عنها أي شي . أريح لجميع الأطراف
ضروري تشتغلي على موضوع انه ما يكون هو محور حياتك كلها .. وين راح؟ شنو عمل ؟ كيف احساسه الحين ؟ شنو عمل معها أو ما عمل ..
ريحي نفسك منه شوي . انتي ببيتك ومع أولادك .. خلاص .. هذا كل اللي نبغاه منه ... يبغاك ويطلبك زيادة خير .. ما يبغاك .. الله معه . المهم انك مرتاحة ببيتك مع أولادك . مو انتي رجعتي عشانهم ؟
معلش سؤال بايخ شوي .. اسفه ... أحس من كلامك وكأنه زوجك مهملك شوي من ناحية العلاقة الخاصة .. كم معدل لقاءكم الخاص ؟ كم مرة بالشهر مثلا أو الأسبوع ؟
__________________
