رسالتي اليوم
للدنيا بكبرها
اكرهك طابت نفسي منك
احس اني كنت زي القطوه الصغيييره اللي ما كانت تشوف
كنت احسبك لعب ووناسه كنت اظن ان كل شي سهل بس الناس تصعبه
دايم اسمع عن مشاكل الناس
عن خيبة الامل
عن الخذلان
عن الالم
عن الجرح
عن الخيانه
عن الهم
عن حقارت بعض البشر
عن الفقد
عن الفراق
عن الغدر
بس للأسف توي استوعب توي اشوف الدنيا صح
توي افهم واعرف
خساره تأخررررت كثييييير تأخرت
جربت الفراق وجربت الغدر وجربت خيبة الامل وجربت الخذلان وجربت الخيانه وجربت الهم اللي كسرني وجربت حقارة بعض الناس جربت الجرح وجربت الالم
لكن ما تعلمت ماااا تعلمت الدنيا مدرسه واحنا نتعلم
لكن انا سويت زي الطالب الكسلان وما تعلمت ولا استفدت الا بعد
ما رسبت كان بامكاني افهم من اول
وما فهمت ورددت ما يقصدون وانا افهم غلط
قدمت حسن الظن
سمعت
عن الفرح
عن الامل
عن السعاده
عن الحب
عن الصداقه
عن الاخوه
عن الخير
عن الطيبه
عن البرائه
وما شفتهااااااااا ما حسيت فيهااا
حاولت اجرب الامل لقيته ظاهره ماتت من زمان
جربت الفرح طلعت اضحك على نفسي
جربت اكون سعيده وظروفي ما ساعادتني
جربت الصداقه وانخذلت بأغلبهم
وبنيت احلام على الاخوه وانهدم اللي بنيته
حاولت احب وقلبي رفض
والطيبه اعطيتها وما شفتها من الناس
والبرائه انااااااا قتلتها ايه قتلتها بيدي
كانت احلامي وافكاري احلام اطفال
كبرت وصار عمري 19 بس بداخلي لسا بندري الطفله بعد ما كبرت
قتلتها ظلمتها وما خليتها تعيش
قتلتها والله قتلتها بالزواج
شفتي يا دنيا وش كثر انتي سخيفه وممله
ومتعبه عذبتيني وعذبتي غيري وباقي متمسكين فيك !!!!!
مدري العيب فيك ولا فينا احنا يالبشر
درسي اللي تعلمته اليوم هو قلة الحييله
ما في يدي شي اصعب شعور تبي تنصف نفسك والاقدار ما تساعد
اكرهك يادنيا اكرهك
ولا عاد لي فيك حاجه
__________________
... هذا المستخدم لم يعد موجودًا...~ حللونا ~
همسھٓ ....
إن مرت ذكرايےّ علےّ قلوبكم فاذكرونيےّ بدعوھٓ فيےّ ظهر الغيب..
التعديل الأخير تم بواسطة حطمؤؤك يااقلبي ; 20-01-2012 الساعة 11:42 AM