الله يقومك بالسلامة يارب و يعافي لك بنتك و اللي ببطنك و يجيبها بخير و عافية

جربتي معاها اسلوب القصص؟؟
خلي حكاويك كلها عن بنتين اخوات راحو وعملوا و سووا

جيبي لها عروستين و العبي معاها

كلميها عن خواتك و انك تحبيهم كثير و انكم دايما تطلعون سوى و تلعبون سوى
ولما كنتم اطفال كنتو دايما مع بعض ...

اشتري لها علبه من ميكاج الاطفال
وخليها تسوي لك وقولي لها اووو لو اللي ببطني بنت مش ولد
كنتي سويتي لها مكياج و لاعبتيها بالعرايس..

حببيها انه يكون عندها اخت و ان شاء الله مرة على مرة بتتاقلم و تقتنع وتقولك ياماما جيبي بنت
لسه معاك وقت ..

وعلى فكرة شوفي بنتك ايش اكثر شي تحبه .. ايش من هدية تتمناها و اشتريها و غلفيها و خبيها
ويوم تولدي و تروحي البيت طلعي لها الهدية و قولي لها هذه من اختك جابتها معها لك

بالنسبة للعصبية .. مادري ايش اقولك بس اللي شفته
انه اسلوب القصص في هذا العمر له مفعول السحر على الاولاد
احكي لها عن البنوتة الحلوة اللي تسمع الكلام الخ
وان شاء الله مرة على مرة تهدأ

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله