المشاركة الأصلية كتبت بواسطة احلاهم واتحداكم

انا سبق وحصل لي نفس الموقف..
كنت فاتحة جوال زوجي بشوف شنو كاتب اسمي عنده..
ولفيت على باقي الاسماء..
وفجأة لقيت اسم وحدة اسمها عدلات بجواله..
فتحت عيوني ونطيت بحلقه بدون تفكير -منو هذي؟؟؟

ضحك بصوت عالي قال هذا واحد هندي يشتغل بالجبس والبويات..
قلت له مشالله اسمه عدلات؟؟

قام حضني ودق على الرقم يسمعني الصوت وفعلا طلع هندي وقام يسترسل زوجي معاه
ويقوله : ايش في جديد .
وهذاك يرد عليه..

وسكر قال ما الومك لو ماحبك لي مانطيتي هذيك النطة..

ريحني- وزادت ثقتي فيه - وللحين يذكرني من باب الغشمره يقول: تذكرين عدلات..