السلام عليكم ورحمة الله وبركاته
كيف الحال ياعم
ادري اني طولت كثير بس ظروف العمل المرهق والمتعب وزحمة الرياض المجنونة بس تبقى الرياض حلوة بس عيبها الزحمة الكثيره يعني دوامي يبدا الساعه 8 اكون طالعه من البيت الساعه 6 الصباح واوصل الدوام الساعه 7 ونص او 8 الا ربع على حسب الزحمة. وادخل سكن الطالبات الساعه 6 المغرب يعني كاني اداوم 12 ساعه وانا عندي عادة اني ما اعرف انام الا بسريري ويادوب تعلمت على السكن وتاقلمت.. ابني احطه في حضانة اطفال ( حسبي الله عليهم )
ماعندي جديد .. اللي اقدر اقولة ان رجعت مثل اول .. والسبب زوجي.. ادري ان فترة 5 ايام كثيره لزوجي بما انه حار بس هو مو مقدر التعب اللي اكون في يوم الاربعاء لاني من اجلس الساعه 6 الصباح ما انام الا الساعه 12 بالليل بسبب الدوام وبعدين القطار ولين اوصل اكون في قمة التعب مع ان القطار ما اخذ فيه الا درجة رحاب الا انه برضوا متعب لاني اكون بنفس الوضعيه لمدة 5 ساعات وبيديني ريان ( ولدي) ..
حاليا انا بمستشفيات د. سليمان الحبيب بالرياض لان ولدي مريض جته حمى شوكية عدوى من الحضانه ويادوب قدروا يسيطروا على حرارته وياخذ 3 انواع من المضادات الحيوية القوية بس الحمدلله تحسن كثير .. المشكله مش هنا المشكله في زوجي يطلب مني حقه الشرعي في غرفة المستشفى وانا ارفض واقول له احد بيدخل علينا لان الابواب مالها مفاتيح بس هو مو مقدر هذا الشي والمصيبة الاعظم ان جدتي امس بالمغرب توفت ربي يغفر لها ويرحمها وصارت نفسيتي زفت وزوجي كان جنبي حضني لفترة بسيطه بعدين شغل فلم كوميدي وجاملته وتابعت سولفت معه وجاملت ونفسيتي واصله حدها لاني ما اقدر اطلع الشرقيه عشان ايام العزا لان باقي على علاج ريان اسبوع بس بعدين طلب مني حقه الشرعي هنا انفجرت بوجهه انت ماتحس جاملتك وانا تعبانه نفسيا والحين تطلب حقك قال لي لاتلوميني اذا تصرفت بشي مايعجبك قلت له عادي سو اللي تبغاه ( الليالي اللي قبل وقت يطلب كنت اعطيه غصب وكنت خايفة يدخلوا الممرضات بس هو مو حاس بشي عنده قاعده غريبة اذا دخلوا وشافونا كذا راح تكون ايام مستحيل ننساها رديت عليه انا مو مستعده للاحراج).. بالله ياعم زوجي صاحي؟؟؟؟
كيف اوصل له فكرة ان بالمستشفى ماراح يلقى شي من عندي منعا للاحراج؟؟؟ راسي يعورني كثير...