نصيحة لوجه الله

لا تدخلين أبوك بمشاكلك مع زوجك ولا تحكين له عن شئ لا أبوك ولا أمك

لو زوجك مشاها اول مره وثاني مره وثالث مره بيجي يوم يتمشكل مع ابوك ويقل أدبه في لحظة تهور ويكون فقد صبره من كثر ما يتدخلون

بالنسبة لي انا طفح فيني الكيل من تدخلات اهلها واوشكنا على الطلاق خلاص

تمشكلت مع ابوها ومازالت المشاكل الى الآن ما يكلمني ولا اكلمه اسلم عليه ويرد السلام وفقط

علاقتي بأهلها مش ولا بد ومع اخوانها تأزمت ماعاد ادخل بيت اهلها انزلها وامشي واذا قلت لها بسلم على ابوك او امك تقولهم زوجي بيسلم عليكم تقول ابوي نايم وامي ..... ما ادري وش العذر كل مره

قلت براحتهم وطنشت الموضوع - بيزعلون يزعلون براحتهم

سبحان الله بعد هالمشكله اللي كنا بنتطلق فيها وزوجتي لما شافت الموضوع جد قالت لأبوها وامها انا احل مشكلتي لاتتدخلون قالوا لها لاعاد تقولين لنا شئ مشاكلك حليها بنفسك

اصبحنا سمن على عسل مشاكلنا بيننا نحلها بيومها

ولي شهرين تقريباً ما اعرف عن اهلها شئ اوديها تزورهم وارجع اخذها

اذا تبين زوجك يصير وضعه مثل وضعي كملي تشكي عند ابوك اني حصلت عنده واكتشفت عنده

لكن نصيحة لوجه الله لا تدخلين اهلك الا لما تشوفين المشكله كبيرة ومعقدة و بتوصل الى طلاق ولابد من تدخل اشخاص حكماء