يالغاليه قبل كل شي تعوذي من الشيطان الرجيم ، لإن الحياه كما تداين تدان والايام دواره ، ورح يجي يوم تتحسري فيها على انك ضيعتي رجال بكل هذه المواصفات
خلي عندك صبر وتحمليه وحاولي تغيري الشي اللي مو عاجبك فيه لكن بدون ما تجحري مشاعره
والتفكير اللي تفكرين فيه والاستقرار اللي تبحثين عنه في المدينه رح يحتاج وقت طويل ، وبدل ما تنتظرين هذا الوقت وتروحين له والله العالم كيف رح يتقبله اولادك والمجتمع واولهم نفسك أنا برأيي ضيعي الوقت مع زوجك ابو عيالك ضيع الوقت في كيف تغيرين من مظهره اللي تقولين انه مو عاجبك كيف توقفين جنبه ، علمي نفسك كيف تحبيه اكثر ( لانه من خلال كلامك انتي مو تحبيه بمعنى الحب الحقيقي) حاولي وحاولي وحاولي فالحياه تستحق المحاوله مع انسان يحترمك ويحبك فالرجال قليلون في هذا الزمن
اختي اذا ماصبرنا احنا على ازوجنا اذا ما احتويناهم فما نقدر نلوم الرجل اذا ماصبر علينا وهوه اللي كل يوم يطالع عشرات النساء
يالغاليه / زوجك في صفات تستحق انك تصبري والمرض اللي يعاني منه ماهو نهايه العالم ترى في امراض الواحد ما يشفى منها ابد، اما هوه مشكلته لها حل مؤكد ان شاء الله ، وانا برأيي ان هذا الشي ماهوه كل شي في الحياه الزوجيه ، لانه ممكن يتوفر في الرجل الشي اللي تبحثين عنه لكنه يتفقد الى أهم شي ( وهوه احترامه وحبه لك)
لا تزعلي مني يالغاليه لكن موضوعك اثر فيني اكثر وتضايقت على اولادك وزوجك اولهم عشان كذا حبيت اتكلم معك من القلب للقلب
تحياتي لك