غاليتي ورد ...
الله ينزل السكينه على قلبك ... ويريح خاطرك ...
نصيحتي لكِ ... تقدمي على وظيفه ... بما انك جامعيه باذن الله ربي يسهلك دربك
سجلي في دورات.. في معاهد ... سواء كان تجميل او انجليزي او حاسب الي ... اتناااااااااسي الموضوع
اثبتي لنفسك انه قويه وانك قادره توقفي على رجلك

عارفه انا لمن كان عمري 19 سنه اتزوجت وبما انه اول رجل في حياتي ... عشققققققته ... والله الذي لا اله الا هو حتى زبدية الموية الحاره احطها تحت قدمه ومدلعته ويكفي انه كان اغلى انسان في حياتي كان مايخليني اروح الكليه وكنت مقتنعه اني اقعد عشانه مع اني كنت من المتفوقات
طوال وقته كان عالبالتوك ... ماخلا بنت في حالها ... وامشي واعددي
شفت رساله في جواله ... وازعل واعصب وانكتم ... دا كله واحنا ماغلقنا 4 شهور ... يقوللي ابا اروح مع اصحابي مصر .. وافقت عشن لايزعل ... اي شي يصير بيني وبينه الاقيه تاني يوم عند امه .... كلللللللل شي
مفاتيح شقتي كانت عند امه

بعد سته شهور من زواجنا طلعت امه تصرخ عليا وتسبني تقوللي انت تبي تفرقي بيني وبين ولدي
وسبب صراخها عليا تااااافه ...

المهم لمن طلعت امه وصرخت وشفته هو ولا كانه قولت له وديني عند اهلي

وماصدق خبر
وداني قعدت 3 ايام ماقولت شي لاهلي مع انه كللللهم حاسين انه فيا شي .... لمن كانوا يسالوني عنه اقولهم في ينبع

بعدها ابويا مسكني وسالني وقولتلله كلللل اللي صار
قاللي خيييييييييييييييييييير

قعدت عند اهلي 3 شهور ورجعت ببلاهتي دقييت عليه .. اقوللوا اباك تعال خدني .. يقوللي اجيكي بس مااطلع لابوكي قولتلله طيب

بعدها دق عليا يقوللي مني جايك خللي احد من اهلك يردوكي ... قولتلله امك عبتك يادلوع ماما وبابا ... وعصبت عليه

بعدها دق عليا وانا الهبله المتيمه رديت عليه قاللي اجي اخدك من الكليه قولتله طيب

والله ياجماعه رخيت راس ابويا ورحت معاه من غير محد من اهلي يدرو
لمن خرجت معاه من الكليه امه تقوللوا خرجت معاك يعني خرجت مع غيرك ..... والله ياجماعه ردني لبيت اهلي وانا مكسوووووووووووووووووووووفه تخيلوا والله يومها اتخبيت تحت الطاوله في مكتبة الوالد في الظلام عشن مكسوفه اطلع لهم

وانواااااااااااااااااع البكا ... وادق عليه اترجاه مايطلقني ... اقوللوا خليني عندك لو خدامه بس لاتسيبني ... يقوللي امي مهي راضيه تقولليي لو ترجعها اقطع الكهربا من شقتك .. بحكم اننا ساكنين معاهم ... يقوللي كلمي ابويا يخليني ارجعك ... للدرجه دي ياجماعه
وانا الغبيه ادق على ابوه اقوللو الله يخيلك ياعم لاتخللي فلان يطلقني
يقوللي الله يرزقك بخيرا منه وانا ابكيييييييييي
ويرخي في وجهي
بعدها بيومين يرسللي ورقة طلاقي ... والله لمن جاتني الورقه كأنه احد صفعني على وجهي
بس الوالد الله لايحرمني منه وقف جنبي ويقوللي لاتبكي مدام انا عايش ... هو اللي حيندم ... محد يستاهل دموعك
ومن دا الكلام


جاتني ورقة الطلاق يوم الاربعاء ....... يوم الاثنين اللي بعده بدأ يتصل على زميلاتي .. لانه جوالي كان عنده ... يقولهم خلوها تكلمني .... ارسللي وحده لكليتي من مركز الدعوه والارشاد ... راح لعمدة الحي حقنا .... كلم ابويا ... كلم اصحاب ابويا ... انه يرجعني .... ياجماعه من يوم ماصرت محرمه عليه احلويت في عينه ... شي غريييييييييييب


وانا خلاص ماباه ... كملت الكليه وايامها كانت اختبارات نهائيه ... الحمدلله عديتها
كان ييوقف تحت طاقة غرفتي يباني انزله ... وانا ولا كانه

غلقت عدتي .... وانخطبت
ولمن عرف اني انخطبت صار زي المجنووووووون ... يدق على خطيبي يقوللوا اعطيك المبلغ الفلاني وتسيبها
يرسله بنات يعاكسوه عالجوال عشن يصيد عليه شي ويفرق بيننا
دق على ابو خطيبي واضارب معاه
كل يوم عند الكليه القاه

وربي رزقني برجال سيد سيده .... دحين انا متزوجه وعندي 3 اطفال ... وعايشه باحترامي وفي نعمه والحمدلله
اتعلمت اني مااخلي زوجي كل اهتمامي ولااخلي سعادتي متوقفه على رضاه والله لايحرمني من زوجي شاريني ولا يرضى احد يتكلم عليا
كان طليقي كل بعد فتره يرسلي وحده عالكليه مادرري من فين يعرفهم اللي تقوللي هو عارف انك سكنتي في المحل الفلاني وانه ابوكي وامك اتقاعدو ودايما ييسال عنك وعارف انه جاكي ولد وانه مانساكي .... والله الكلام دا صار يرضي غروري الانثوي اكثر من انه يحزني






اسفه عالاطاله بس جاتني جرعه كلام ماقدرت اكتمها في نفسي
الله يسعدك ويسخرلك اللي فيه الخير ....
اهم شي تشغلي نفسك بوظيفه او دراسه او اي شي لاتقعدي في البيت كده ...

متابعه موضوعك غاليتي