شهزدا يا أختي اللي يدور في بالج من يأس وأفكار موزينه تأكدي إنها تدور في بال ملايين غيرج
المنبع اللي جت منه وااااحد..
وهو منبع القرين الشيطاني اللي أقسم إنه يضل الكثير من أمة محمد صلوات ربي وسلامه عليه
ماعدا المخلصين اللي ماراح يقدر عليهم وهم لاشك قلة وأسأل الله لي ولكِ ولجميع الأحبة أن نكون منهم يارب
لما تتبعين أوامر الله وتتجنبين نواهيه فقط لأجله هو سبحانه..حتماً راح تحسين بالسعادهـ مع ابتلائه والرضى
لأن هذا الهم والحزن راح يخفف عن ذنوبج ويغسل خطاياج..وكل يوم يمر بهمومه فيه فرحه وصبر جميل
مافي شي أبدي في هذه الدنيا ودوام الحال من المحال..
الأغاني اللي رجعتي لها والحجاب اللي لبستيه مثل ما تحبين ماخلاج سعيدهـ ومستحيل راح يخفف لو جزء بسيط من همج .
كل مافي الأمر..!
إن القرين كمكافأة لج على سماع سمومه خلاج تحسين براحه كاذبة وماوسوس لج ولا هول لج الأمور اللي في بالج وكبرها مثل كل مرة..!
الشيطان يجري في دمائنا مجرى الدم..
وجد منفذ يدخل لج منه وهو طريق الأغاني وأغنية ورار أغنية لحتى قلبج و لسانج بدل ما يكون رطب بذكر الله ..يكون عامر بالأغاني والفنانين وتنسين بعدها التسبيح والإستغفار إللي يطهر الذنوب
(( يارب اتبعت أوامرك وتقربت لك بالأعمال والصدقة.. ليش ما استجبت لي ))..!!
هذا الشي يدور داخلي وداخلج وداخل بعض أصحاب الهموم...
هذي مادام ماقلناها بلسانها ما نحاسب عليها..!!
شفتِ رحمـــة الله لنا ما أعظمها..!
ربي يعطينا على قد تحملنا..
صبرنا لنا الأجر والثواب أعمالنا لنا..مازادت من ملكه سبحانه مثقال ذرة
منو إحنا علشان نزعل ونضايق علشان الله العظيــم ما استجاب وحقق مرادنا
سواء صلينا ولا ما صلينا الله ما راح يستجيب لنا..ليش نتعب أنفسنا..!!
إحنا نصلي ونصوم ونتصدق ونحرص عل رضاا الله علشان هذاك اليوم العظيم..
( يوم لاينفع مال ولا بنون إلا من أتى الله بقلب سليم )
دائما خلي هذا اليوم في بالج..حتماً راح تحسيت بتغير في داخلج وخوف من الله
وبتحسين بمحبة الله تزداد في قلبج..وتستصغرين الحاجة اللي كنتِ تبينها لأنج بتكونين عرفتِ الفرق بينها وبين ما ينتظرنا هناك
أعتذر عن الإطالة شهزدا
أسأل الله لي ولكِ ولجميع أحبتي وإخوتي السعادة الأبدية والزيادة..,,,
__________________
اللهم صلي وسلــم على سيدنا محمد
وعلى أصحـــاب وأزواج سـيدنا محـــمد
يارب إني مسني الضر وأنت أرحم الراحميـــــن..لا إله إلا أنت سبحانك إني كنت من الظالمين
التعديل الأخير تم بواسطة حلم وتحقق.... ; 09-01-2012 الساعة 01:22 AM