منتدى عالم الأسرة والمجتمع - عرض مشاركة واحدة - ماني عارفة ليش أنا عايشة بالدنيا ؟

08-01-2012, 09:41 PM

#27

خاله بيتا

عضو المنتدى الفخري

تاريخ التسجيل: Jun 2010

المشاركات: 9,516

والدي توفى بعد والدتي بسنة لكن ما شعرت بأنه شيء كثير تغير عن وضعنا اللي صار بعد وفاة والدتي الله يرحمهم

عندنا مثل يقول "" الأم تلم "" وهذا نشوفه بكل مكان لكن بدرجات تختلف من عيله لعيله .. وجود الأم بالتأكيد له دور كبير بجمع قلوبهم على بعض .

انتِ الان متضايقة جدا لأن الموضوع جديد ومتفاجأه فيهم ... لكن بعد فترة لما نفسيتك تتحسن شوي راح تلاقي لهم الأعذار .. ما في أحد كله أسود ولا واحد كله أبيض .. كلنا لوننا سكني

مهما قلت الحين ما راح تقتنعي لأنك متضايقة منهم لكن الزمن مرهم سحري للجروح ... ومن لطف ربنا فينا نعمة النسيان ..

صدقيني ما هم سيئين للدرجة اللي انتِ حاسه فيها الحين لكن تجمعت الاحزان وخلتك تشوفي الدنيا سودا والناس أسود منها شياطين ماشيه على الأرض .

مافي شيء ممكن يريحك ويخليكي تطلعي من هذا الجو إلا القرءان وصلاة القيام .. اسألي ربنا العفو والرضا ..
وأن يعينك على ما انتِ فيه .. اسأليه جبر الخواطر وتأليف القلوب بينكم انتو الاخوان والخوات .. مو عشانهم لكن عشان الحبيبة .. ما راح ترضى يكون هذا حالكم من بعدها .

__________________