بصراحه انا كنت مثلك تماما
تزوجت وانا ماعرف اسوي ولا طبق
حتى الشكشوكه
وحتى البيض المسلوق مادري كم اخليه على النار حتى يستوي
ماتذكر اني سويت ببيت اهلي الا الشاهي
وليته ينشرب يايكون خفيف مره او ثقيل مره (شاهينا تلقيمه يعني ماهو اكياس)
بس كنت اسوي باقي الشغل كله
من غسيل اواني وملابس وكوي وكنس شااااااطره فيها





ولما تزوجت تعلمت شويه شويه
بس لحد الأن بنظر الاغلبيه ماعرف اطبخ
ونادرا تصير طبخاتي حلوه
وبصراحه كل مادخلت ابي اسوي اكل اشيل هم انه يطلع ماهو حلو

لذلك نصيحه مني لك ثابري وثابري بتعلم الطبخ لأنه اهم شي (ثلاث وجبات كلها طبخ بالبيت)


ومن ناحية الكسل ومالك خلق تسوين شي
او انك تشتغلين يومين وتهملين باقي الايام
هذي كثري منها انا حاليا كذا

بس بصراحه اذا قمت اقوم قومه وحده واخلص الشغل كله بساعتين او ثلاث ساعات
واجلس باقي الاسبوع كسلااااانه على النت والتلفزيون
مع الشغل اليومي اللي هو الطبخ وغسل الاواني فقط ومع ذلك اسويها وانا كارهتها



على طاري الطبخ هاليومين طايحه بأشياء مره سهله ويجي طعمها مقبول

المهم دجاجه او لحم مقطع قطع صغيره او كبيره اي شي
واي شي من الخضار لو كلها عادي
وملح وبهارات وبصل مجفف واحيانا ثوم نص ملعقه دقيق واخبصها (اتبلها) ببعضها
واحطها بالفرن اما مكشوفه او مقصدره او بأكياس الفرن
وبعد نص ساعه او ساعه الا ربع تكون جاهزه