عزيزتي ورد...
انتي ليش استسلمتي له..حبيبتي اول شي خيريه بينك وبينها اوازعلي وغيري اسلوبك معه انتي لازم تتغيرين...او حاولي بكل الطرق انك توقفينه من حقك تحافظين على بيتك ومن حقك تدافعين عن نفسك وعن شريك حياتك...والي تقلك عادي ليش تزعلين ترى من ورى قلبها ولوانها مكانك والله انها ماراح ترضى بهذا الشي...مافيه انثى ترضى زوجها يتزوج عليها..
عارفه ليش دايما لما تكون الزوجه مهتمه في زوجها وتحبه وتبين له انها تموت فيه وتسوليه حفلات واعياد وهو ينبسط...هذي هي الي زوجها يفكرفي الحريم ويبي يتزوج غيرها..عارفه ليش؟؟
لانه يفكر كل الحريم زيها وبنفس اهتمامها وطيبتها وحبها...انتي عطيتيه فكره وشاف فيك نموذج وصورة يحسب كل النساء نفس هذي الصوره...
صدقيني بس يجرب الثانيه ويرجع لك متنكس على قرونه وخذيها مني والله ليرجع لك...ويعرف قيمتك..ويعرف انه محد مثلك...ومحد يحبه مثلك..صدقيني مستحيل بنت عمه تجي نسخه منك لافي حبك ولافي اهتمامتك ولا في معاملتك مع زوجك اكيد اكيد فيه فرق بينكم..
شوفي الحريم الي اهم شي عندها نفسها ومن ثم زوجها صحيح مو مقصره معه لكن عند اقل غلط يغلطها في حقها تقوم عليه وتهب فيه ولاترضى لين يعتذر هذي هي الي الرجال يبيها يحب الحرمه اي تحب نفسها وتحبه في نفس الوقت ومايحب الي ملزقه فيه وتتحدى العالم فيه...
الرجال مخاليق غريبه عجيبه مدري وش يبون لكن الي تاكدت منه انهم مايحبون الحرمه الي تموت عليهم وتحطهم محور حياتها...
عزيزتي خليه يروح الله يسهله دامها حطها في راسه صدقيني اذا دموعك وحبك مارده عن قراره مافي شي يرده...
بس تاكدي مرده لك...مرده لك.وراح يرجع ودموعه على خده..وقتها غيري اسلوبك معه جذريا..لاتصيرين نكديه ..لا.خليك بنفس اخلاقك وبنفس طيبتك ومعاملتك..بس اثقلي شوي.بلاش احتفالات وهدايا وبلاش اهتمام زايد عن حده لمحي له انك ممكن تستغنين عنه وان حياتك مو متوقفه عليه وبس ولاتسمحين له يغلط ويهينك سوي الشي الي يرضي رب العالمين غير كذا لاتسوين..
وبالنسبه لاهلك خبريهم واجلسي عندهم لين يخلص موضوع زوجك عشان لاتتعب نفسيتك ..
__________________
أكبر مشكله.........
لاصرت عارف بالحقيقه وساكت..ماتبي<< تحرج >>بعض الوجيه بسود افعالها
التعديل الأخير تم بواسطة ليه الغرور؟ ; 06-01-2012 الساعة 12:51 AM