سامحوني كنت هذاك اليوم متعبة نفسياً ..
لأني كتمت بنفسي فجعتي على أمي يوم شفتها و سلمت عليها .. تغيرت كثير ..
و نفس اليوم كمان زوجي زودها علي، كم مرة يكلمني باسلوب قاسي و اعديها له و اكتم بنفسي ..
بالأخير صار اللي صار ..

لكن ( رب ضارة نافعة )

الموقف الاخير اللي حصل لي مع زوجي، احسها كانت لصالحي ..
زوجي اتعدل كثيييير و رجع تعامله معاي مثل زمان ..

باقول اللي صار نفس اليوم اللي كتبت فيه ردي هنا ..

.
.

امي لانها تعبانة مرة، أشرت لي لا تجي خلاص و روحي بيتك ( ما منك فايدة ) عشان ولدك الصغير ..
احترت وقتها ؟

يا اجلس عند امي و نستمر بالعناد أنا و زوجي .. و هذه اول مرة الصراحة اروح فيها عند اهلي و اقوله وديني عندهم ..
بس يمكن كنت بداخلي أتمني اكون جنب امي ؟

او

اروح بيتي و عشان راحة امي ؟

استخرت بعد صلاة العشاء ..

.
.

دقيت عليه .. قلتله بكل رسمية ( جيب بامبرز للولد ) .. مزح زوجي معاي .. و ما ضحكت له، قلتله ( بأستنى )
بعد ساعة دقيت .. قلتله ( بأكلم ولدي، أعطيني هو )

زوجي جاب البامبرز للنونو و راح من عند الباب، و امي كأنها بدات تحس انه فيه شي ..
فدقيت على زوجي .. و قلتله أعطيني مفتاح الشقة، باروح اجلس فيه مع ولدي .. عشان امي لا تحس انه فيه شي ..

قالي دحين أجي اخدك و اوديك البيت و ماني جالس فيه ..
قلتله احسسسسسن .. اصلا أنا رايحة عشان راحة امي وما ابغاها تحس بشي و علشان امي، بأعمل اي شي يريحها ..
و لا يجي ببالك اني رايحة البيت عشانك ..

.
.

جاء زوجي و جالس بسيارته يستناني و عامل حاله زعلان و ثقيل, لأني كلمت اخوي .. و ماكان متوقع اني وقتها حادق على اخوي .. و قمت و أنا خارجة من عند امي، سلمت عليها و سألتها :
( ماما زعلانة مني ؟ )
اشرت لي برأسها ( لَا ) .. قلتلها سامحيني ولدي مو مخليني اعمل شي ..
و قمت بكييييت و بسرعة غطيت وجهي و خرجت من عندها ..

رحت السيارة و قلت لزوجي باجلس بالكرسي اللي ورأ ( عيوني محمرة و الدموع تنزل بغزارة عشان امي ) ..
و ما بغاه يحسب اني ابكي عشانه

.
.

طول الطريق و أنا افتكر امي كيف كانت و كيف صارت دحين .. و أخاف ما أشوفها مرة تانية ..
و الدموع تنززززززززززل بغزارة ً..بس من غير صوت

وصلنا البيت و رحت جلست مع ولدي و ماتكلمت و لا كلمة و لا أطالع بعين زوجي ..

.
.

زوجي اعتذر و قالي انه أسف و ماكنت قاصد و انه كان مضغوط شوي بالعمل ..
و تاسف مني و سلم علي ..

----------------------

لمني بشوق

النقل من الشقة مرتبط بمرض امي، لأني أتمني الاقي شقة جنب بيت اهلي عشان
اقدر اخدم امي باي وقت و لحظة .. و شقتنا الحالية بعيدة مرة و مايوصل لها تلفون و لا نت

ارتاح شوي و أجي ..
دحين اقول اللي بخاطري ..

*