المستشفى على الساعه ال 10 بتوقيت اوكلند
ووصتني الدكتوره انارفه عن نفسي بأي شي رحله بحريه او مكان هادئ والخ

المهم مرتني ميشيل وبناتها وطلعنا على البيت

والمفاجأه الكبرى اني وجدت كل اصدقاء المعهد وكان الكل ينتظروني وانا سبيكه مدري وش السالفه
سلمو علي وهيك وكان عازميني على مطعم رفيز

المهم جلسنا في البيت الى الساعه 12 ونص وكان فيه سواليف واسقاطات من البعض (( مشفر ))

الي استغربته من جد وماكنت اتخيله ان فيه واحد هندي وهنديه يتشغلون في بقاله طبعاً هم متزوجين
كان حاضرين عند بيت ميشيل وسلمو علي وكانو مره محتفين فيني

ومن جد ستغربت منهم هتواصل الكبير الي ماكنت اتخيله ابد


قالو لي استغربنا انك ماجيت للبقاله و ولا مريت وقلنا اكيد فيك شي وسألنا ميشيل وعلمتنا بلخبر السيئ
احنا اسفين سامحنا ياسيدي

<< انا وجهي صار كيذا

قلت لهم ليش تتأسفون انتم مالكم دخل ؟؟

قالو لا احنا مقصرين سامحنا

قلت لهم الله الي يسامح انتم رايتكم بيضاء للعلم الهنود هذولا مسلمين جدد لاكن اسلامهم الله بلخير

ماعلينا اهم شي انهم مسكو الجاده


جت الساعه 1 الظهر ورحت انا وميشيل بسيارتها على مطعم رفيز
وانا كنت راكب معها وبناتها ورى

لوهله حسيت انها امي وانا ولدها المدلل الصغير يالله كم هو شعور جميل وانت تحس نفسك ولد صغير


وصلنا المطعم ولقيت نااس كثيرررر كثييرررر مررررررره واصلن كانو حاطين لوحه على الطاوله الحمدلله على السلامه عربي وانجليزي ...

ادري الي بيقرأ كلامي بيقول وش عنده ذا يشخص علينا وشوفو اني محبوب وهكا

ايه انا رجل مشهور ومحبوب وش تبون


تغدينا وخلصنا وجت ميشيل وقالت لو سمحتم كل واحد يقول كلمه لتروي بمناسبة شفائه

انا تغير وجهي استحييييييييييييييييييييييييييييييت مررررررررررررره قلت للا ترى ماله داعي
خابر المحبه في القلوب


طلعو ناس كثير يتكلمون

بس الي شد انتباهي وماكنت اتوقع اني اشوف خشته الا وهو مدير معهد ef كان حاضر وتحمد لي على السلامه

وطلعت زميلتي اليابانيه الي معي في المعهد وصارت تصيح وتصيح وتقول سامحنا ننا خليناك تواجه الوحده والمرض وحدك .. واحنا اصدقاء سيئين

قلت لها مامنك قصور يابنت اشيو

وطلع ابو منيف ههههههه
قال ماتشوف شررر وانشاء الله طهور

قلت يابو منيف انجليزي تكفى لاتفشلنا قال ماعرف وش اسوي فيهم


تغدينا وهيك


وطلعنا وكلن ضف وجهه وانا ضفيت وجهي ورحت للبيت


وجيت ابي اطلع وقالت ميشيل على وين العزم قلت لها ابي اطلع اتمشى
قالت مافيه طلعه

اما مافيه طلعه ليش تحسبيني احد الموزز الي عندك


قالت لا الدكتوره قالت لاتطلع ولاترهق نفسك

قلت شوي بس بتمشى على رجولي قلت اممم اجل بجي معك قلت لها طيب

صرنا امشي وامشي واردت ان اشعل السيجاره ولاكن ميشيل حالت بيني وبين السيجاره

قالت صحتك يا بيبي انا الجين بيبي

قلت هاتي البتاع عيت وقالت بعد شوي مو الحين


الموهم تشكرتها من جد على كل شي سوته وقلت لها خلاص مابقى الا 3 اسابيع وارجع للسعوديه
قالت حقيقتاً سوف افتقدك

على كثر الي سكنو عندي بس انت واحد استثنائي رغم ان لغتك ركيكه لاكن لابأس بك ياتروي

رجعت البيت وانا كنت ابي ارتب اموري عشان ارجع للمعهد واهيئ نفسي عشان اراجع واختبر الاختبار النهائي


يتبع