نرجع للموضوع

المهم بعد مامشيت من عند ميشيل نزلت تحت لبست وحركت

نسيت اقولكم تراني شريت سيكل في اوكلاند وصرت اتمشى فيه

اخذت السيكل وشغلته قلت خلي المكينه تحتمي << فاهم غلط

ركبت السيكل وانطلاق

وانا امشي في الحواري والجو مغيم وياسبحان الله المطر طاق صداقه معي كل ماشيت يجي مطر
المطر بوجهي وانا داعس بسيكل وصرت اتمشى وسط الحاره حقتنا بحثاً عند بعض المازيين
عفواً اقصد بحثاًُ عن السوبر ماركت عشان اشتري دجاج متبل لاني دايم اتلخبط في المحل وانساه يعني
مع انه مهم بس لاني راكب السيكل فاتخبرون دوران وضياع

عاد الي معه منفاخ بسيكله يطلع هو الرجل الذي هو خارق .. وللمعلوميه فيه ناس في اوكلاند ضد السيارات
وفيه عندهم عنصريه قويه ضد السيارات ويسموونهم الهوائيين

ودايم يجتمعون في الحي عندنا حي القلين فيلد

وانا اصبحت رجل هوائي

خليك في الجو مع ترانزيت << مسوي بانوراما

المهم انا قروي وصلت للسوق الكبير وكنت خايف اوقف السيكل برى السوق خوفاً من السرقه
دخلت بسيكل جوى السوق والناس يناظروني وانا بصراحه مدري وش كنت احس فيه وانا مدخل السيكل جوى السوق

ترى ماسويت حركة الاستفهام عند الكاشيرات

جاء السكرتي قالي وين يبو الشباب وينك فيه تحسب انك برياض
قلت وش فيك قال وش فيني قالي انت الي وش فيك يوم انك تدخل بسيكل داخل السوق
قلت اخاف على سيكلي من السرقه

قالي من الي بيسرقه الحين ههه

قلت سبحان الله ماتدري يمكن واحد تهفه نفسه على السرقه وارجع كعابي

قالي منتب عاقل يلي موقف بوقاتي برى

قالي اطلع برى لا اسحبك انت وسيكلك قلت طيب

وقفت السيكل برى وعطيت هندي 10 ريال وقلت له غسل السيكل واحرسه لين اجي << في الملز مهوب في واكلاند

<< اجل هندي عطيته عشره ريال ..قالك وش عرفك انها نصبه قال من كبرها

لا صدق امزح وهيك وقفت السيكل برى مع مجموعة سياكل


وشريت بعض قطع الدجاج اللذيذه المتبله بعنايه فائقه


وخرجت من السوق متجهاً الى السيتي وانا داعس بدائري حقهم الي هو الجسر الي يفصل بين جزي قلين فيلد ولسيتي ....

فا حسيت اني غبي وانا اسوق السيكل الا وافتح شنطتي واطلع علبة مويه واحطها في الكفر على اساس تطلع صوت دباب

<< تهقون اني تافه لهدرجه عشان اسويها


المهم ان المطر لعب فيني لعبته وتبللت

وصلت للكوين ستريت وانا ميت تعب من السيكل لعب فيني لعب
الشوارع كلها طلعتا ونزلات جاني شعور اني طالع طلعة الزديه حقت المزاحميه


المهم لقيت الناس مجتمعين وقلت خلني اشوف وش السالفه .. الا اثنين يتحدون رقص

كوري ونيوز لندي

والبنات مجتمعين والشباب كذالك


فاقلت ياربع الاختلاط حرام ميجوز خلوني انا افصل مابينكم
وفعلاً فصلت البنات عن الشباب وصرت انصح الفتيات واقولهم هذا لا يجووز واتقو الله

عاد ابشركم كلهم سمعو كلامي <<< ماتحس انك مصختها

لا صدق تفرجت على الرقص وهكا


ورحت اكلت في مطعم ناندوز بصراحه ماعمري اكلت اكل حلو زي ناندوز يالببيه بس الميديام سبايسي حقهم
وه بس