مره اخرى شكرا لكل من ساهم في ابداء رايه, بدون ان انسى احد

بس حبيت اقلكم الجديد, انا اتحطيت امام الامر الواقع, و زوجي قال لامه اني حابه اتكلم معاها على انفراد, طبعا انا وشي صاااار....
المهم الحمدلله ربنا نزل عليه هدوء و بدات اتناقش فقط عن همي في اسعاد ابنها , و التركيز على سعادته, و اني في بعض الاحيان اكون محبطه في حال زعلنا واختلافنا في بعض الامورو و كنت حريصه ان لثبت اني زعلو مني بيكون ناتج عن غير قصد بايذاءه او ايذاء مشاعره, فكانت نصائحها عامه بان بداية الزواج لابد من ان يكون في مشاكل لاختلاف البيئات اللي كل شخص جي منها, و نصيحتها بان انتبه من الامور اللتي قد تودي الخلافات بيننا , يعني افتكر ايش بيزعلو و اتجنب ان يحدث, وان في النهايه الست تقدر تغير الموضوع بايدها, و نصحها لي كنصحها لابنتها, و كانت اهم كلمه و لن الومها لانها صحيحه ان اتجنب الاهمال, او التقصير, وقالت لا اقصد بايذاءك بس هذي نصيحتي لكل بنت ..
هو اكيد كلام كل الامهات .. استشفيت من كلامها ان الغرض ان هي كمان كانت حابه تسمع مني عشان تفهمه ما يكدر علي و توصله هو,
اتمنى ان ما اكون على قولكم فتحت باب للتدخل , ولكن انا لم اتكلم على شي شخصي بيني و بينه, كان مجرد فتح باب للوصل بيننا اكتر .

و اكيد حاكون عند مبداي بعدم تدخل طرف ثالث’ و انشاءالله ربي يعنني, و اتمنى اني ما كنت قليلة زوق لمن قلتلها, انه لمن بيزعل مني في امر ليش ما يواجهني انا في بداية الامر.. و ان قصدت بذلك انه المفروض يشتكي مني لنفسي , ووافقتني الراي..

بس سوؤالي هو انه ايش هي الخطوط الحمراااا اللي لا يمكن تسمحوا لاحد بان يتدخل فيها كأمثله؟؟