,,,


بوضح لك اللي شفته في مجال عملي مع الاختصاصية الاجتماعية وهي في نفس الوقت استشارية في مركز استشارات التربوية والنفسية

اشتغلت معاها على بنات مراهقات ,,اعمارهم بين { 10 الى 16 } سنة ..

البوية أو المسترجلة لها اسباب متعدده

1- اذا كانت البنية في بيئة كلها اولاد { اخوانها مثلاً } راح تتأثر من طبعهم وبتكون شوي فيها دفاشة الاولاد ,, اذا كانت على الفطرة السليمة راح تعدل من اسلوبها في فترة المراهقة لكن اذا كانت العكس بتتأثر بزيادة وبتتعلم سلوكهم وبتستوي { شبه ولد } .

2- غياب الام والأب والحرية التاااااااااامة للفتاة , لكي تثبت وجودهآ امام الناس تتبع هذا الأسلوب .

3- لفت نظر .. كل ممنوع مرغوب ,, تبي تلفت النظر تبي اتكون محور الحديث عند البنات فـ تتخذ هالطريقة ..

4- الصاحب الساحب ... البيئة اذا كانت جذي تتأثر بسرعة في سن المراهقة وتمشي معاهم وتستوي منهم

5- الدليل الطبي : في بنات فعلاً هرمونات الذكورة عندهم اتكون عالية جداً وتصرفاتهم اتكون مثلهم بس هذا مو سبب ممكن تروح تاخذ حبوب ترى في علاج اتخفف هيجان هالهرمونات والعلاج يكون لفترة بسيطة والأمر مو ذاك الصعوبة فيه

6- في بنات ترى بس جي لا عقل ولا تفكير ولا توجيه من ولي أمر وتلاقيها بس جي يعني تتبع الموضه


وابشرك بنسبة 90% اول ما توجههم يفهمون وبتغيرون ويرجعون بنوتات << سوينا العملية ههههههه


الفئة الثانية : البنات اللي يحبون يتدلعون وحسب كلامهم ما نبي علاقات محرمة مع الشباب فـ النتيجة اتكون انها اتسوي علاقه مع البويات << يعني رقعت السالفة مالت عليها


وفي علاقات محرمة الله يحفظنا ويبعد عننا هالفساد
علاقات محرمة وتدمن عليها لدرجة انها ما تبي تتزوج وتمارس حياتها طبيعية


هذي الاشياء اللي تذكرتها

لا تخاف ما بتتزوج بوية هههههههههههه الله يسعدك ..~

__________________
جزيتم خيرا ع المنتدى الرائع واخوة رائعين، فترة جميلة جدا كانت معاكم، دعواتكم