روح
انا اسفه اذا ردي رح يزعلك بس هذي الحقيقه لازم تشوفيها

زوجك شكواك عليه مازالت على ماهي عليه من ايام بريطانيا
نفس المشكله بس تغير الزمان والمكان
اتكاليه عدم مسئوليه عدم الاحراج او الحياء انه بيتكل على حرمه تقوم بعمله ودوره بدلا منه ..
لو انه يشتغل ليل نهار ويحط القرش على القرش بس ما بيده حيله اكثر من كذا كان اقولك ساعديه
لكن بوضعكم هذا الصوره مختلفه ...

اهمال / غياب عن العمل الى حد الفصل / السهر اللي بسببه يتاخر عن العمل وبالتالي يتعرض راتبه للقص/ التهور في السواقه واللامبالاة في السرعه وعارف انه ساهر قاعده تسجل ورغم ذلك متمادي بغلطه / صرف فلوس تصل ل500 ريال على امور تافهه انتي واولاده اولى بالمبلغ هذا ! / لعب بلياردو ومشاهدة مباريات وتضييع وقت ممكن يشتغل فيه بدوام مسائي حتى لو يجيب لكم الف ريال فقط اخر الشهر اسمه بذل مجهود ..

بما انه عشتم كم سنه في بريطانيا يفترض انه يكون معاه لغه انجليزيه قويه هذي تفتحله مجالات كثير بالعمل ..
اين الدورات اللي اخذها هناك؟ ليش ما بيستفيد منها هنا ؟

دللتيه كثير وشلتي عنه مسئوليه وكانكم تبادلتم الادوار او بالاصح اخدتي انتي الدورين معا .. السبب انك ما شاء الله شخصيه قياديه وتتحملي مسئوليه وحاره تحبي كل شيء يكون مضبوط ما شاء الله عليك بس جنيتي على نفسك من دون ما تحسي.

شوفي طالما زوجك عارف انه عندك مصدر دخل كبير فراح يعتمد عليك طوووووووووووووووول عمره .. عارف انه عندك راتب بقدر كذا وكذا يجيك كل اخر شهر وهومعتمد على هذا الراتب ..

برايي
اشتري شقه تمليك واكتبيها باسمك وبعد كذا معاك عذرك ما عندك ولا ريال كلها بتروح علي تسديد القرض اللي برقبتك ولا تحطي شيء بالبيت خلاص كافي اهمال وارجع اعيد واكرر لو انه يحفر الصخر بس ما بيده حيله اقولك ساعديه باللي عندك لكن اهمال ولا مبالاه وانتي تساعدي معناته انتي بتشجعيه على كذا ..
واذا سافرتو ثاني للابتعاث اجري شقتك وقولي الفلوس اللي تجي منها باسدد فيها القرض للبنك يعني باختصار فهميه انك مفلسه زيه والديون مغطياك حتى يتحرك ..واذا رجعتو اجازات اجلسو عند اهله او عند اهلك لانه هي اجازاتكم قصيره ما تسوى انه الشقه تصير مقفله طول السنه عشان اجازه مره او مرتين بالسنه الاولى انك تاجريها...
وكمان حرام والله يروح معاك الابتعاث ويقضي الوقت هناك في الكافيهات والبلياردو والدورات الخفيفه اللي تعطيها الملحقيه شجعيه يكمل دراسه(بكالريوس -ماجستير) معاك اذا قدرتي ...

بالنسبه للشغاله استقدمي اوفر لك من انك تجيبي من جوى البلد لانهم اغلى وصراحه ما تعرفي ايش الامراض اللي فيها وبكذا تكوني وفرتي فلوس الحضانه وتجلس مع ولدك وانتي بالدوام لانه لو داومتي وين بتحطي ولدك؟ محد رح يشيلك هو... والسواق لا تجيبي خلي زوجك يوصلك ويجيبك بما انه فاضي ..
جمعي فلوسك واشتري الشقه الملك واكتبيها باسسسسمك واعتبريها استثمار ..


هذا الي في بالي الان اتمنى اني ما اكون زعلتك انا بس حبيت اوضحلك الصوره اكثر عشان تقدري تعالجي الخلل اللي فيها وان شاء الله يكون حلولي فادتك وربي يخليلك الوالده يارب ويلبسها ثوب الصحه والعافيه ويجعلها تحضر زواج النونو الجديد اللي توه جاه قادر على ذلك سبحانه ..

__________________