روح حبوبه

أولاً الله يشفي الوالده و ترجع بصحه و عافيه إن شاء الله
الكبار بالسن يزعجهم الأطفال و لعبهم و حتى صوت التفزيون لما يتفرجوا على الكرتون
فما بالك بأمك المريضه و لا تاخذي على كلامها و أنا عارفه انك عاذرتيها

ثانياً كنت راح أقولك نفس الكلام اللي قالوه سيدة الموقف و نورا

لا تساعدي زوجك في موضوع الشقه القديمه، هو اللي حط نفسه بهذا الموقف و هو اللي يخرج نفسه حتى لو وصلت للشرطه (إنتي وقتها راح تسوي شي بس خليكي ماسكه أعصابك للنهايه)
و إنت كلمتيه و حذرتيه و نصحتيه يعني سويتي إلي عليك و خليكي عند كلمتك،، لا تتدخلي و خليه يدبر عمره
هو الرجال و هو راح يتصرف

تحني عليه ليش؟ هو اللي جاب لنفسه
مثل ما قلتي سهر و طلعات و هو عارف إنه وراه دوام ولا حتى حط مبلغ بسيط ينفعه بكرا، و في الأخير إنفصل من شغله،
عطر ب-500 و لعب على البلياردو،، لا و كمان جاته سياره ببلاش

يعني معقوله واحد عارف إنه عليه إيجار 6 شهور و وراه عيله لها احتياجاتها و يتصرف ذي المراهقين العزاب،،
و زوجته كانت حامل و أمها مريضه و عنده ولد في الحضانه لازم يتابع اخباره

زوجك معتمد عليك و عارف إنه في دخل ثاني اللي هو راتبك و عارف طيبة قلبك،، و هو عارف انك أحسن منه و انك أكيد جمعتي كم مبلغ

يا بنتي بطلي حنيه هنا مو مكانها، زوجك مثل ما قلتي محتاج قرص
عارفين إنه عندك عزة نفس ولا راح تطلبي منه شي بدليل انك سكتي لما إشترى عطر ب 500 ولا دفع لك رسوم السياره مثل ما وعدك

سؤال
راتبه وين يروح؟
قلتي إنه دفع إيجار الشقه 6 شهور مقدماً
و إنتيي و عيالك عند أهلك و إنتي متكفله بأغراضكم أو اخوانك ´
إتكفلتي بأغراض البيبي و فلوس المراجعات و الولاده و رسوم الحضانه و فوق هذا كله إشتريتيله سياره
أفهم بس زوجك راتبه وين يروح؟ على ايش يصرفه

يا خوفي بس يكون حاسس إنه أقل منك لأنه مرتبك 3 أضعاف مرتبه
فيقول في نفسه راتبها يكفي و يوفي خليني استمتع براتبي على كيفي
و غاسل يده من المسؤوليه..راتب و عندها.. رجال و اخوانها موجودين

زوجك طيب و حنون و يحبك و يحب عياله، و هذا واضح جداً من وصفك له، بس هذا ما يكفي
زوجك لازم ينضج و يكبر و يبطل كسل و يعتمد على نفسه بالدرجه الأولى
بيته و زوجته و عياله أهم من كل شي

المهم الخلاصه بعد الكلام هذا كله
لا تساعديه في إيجار الشقه القديمه
خلييه يدور على شقه جديده و إذا قالك ما عندي فلوس، خليه يدبر عمره أو يتفاهم مع صاحب العماره يسويله عقد ثاني ل 6 شهور ثانيه ( لا تتدخلي هو الرجال و بيتصرف)
و اصبروا كمان 6 شهور و خلالها تكوني حوشتي لشقة الملك
و كمان الغي فكرة الشغاله ( البيت أهم من الشغاله) أو جيبي وحده بالساعات تمسك لك الصغير لما تكوني في الدوام