حبيبتي هذي مو تصرفات واحد بكامل قواه العقلية

يعني بالله وين احساسه لما انتوا تقولوا له استحم!

بعيدا عن الدين ماقد سألتي نفسك كيف يرضى تكون صورته قدامكم كذا؟؟
وين كرامة النفس ؟ووين هيبته كأب؟
لو واحد بكامل قواة العقلية ومافيه اسم الدين بيتأثر

الظاهر والله اعلم انه يعاني من احد هالاشياء
(سحر او مايشابهه من مس او عين _ادمان سواء خمر اوحبوب وهالبلا الله يكافينا شره)

هذا وانتي ماقلتي شيء غير انه مايستحم بس انا متأكده شفتي تصرفات غير كذا يشيب لها الرأس

وانا مقدره سبب عصبيتك ونرفزتك وماالومك لكل فعل ردة فعل والشخص عنده حد معين للصبر ولابد بيوم بينفجر بس انتي حاولي تتحملي قد ماتقدري تجاهلي تصرفاته و دايم حطي ببالك ان هو مريض مو بكيفه عشان ماتكرهيه

وبعدين الحل شيء واحد بس يعالج من اللي هو فيه وبيرجع الشخص الي تعرفيه قبل تتدهور حالته

اوه صح برضوا في شيء ثاني من خلال الي قلتيه انه يحبكم اثروا عليه من هالنقطة يعني لو كان مثلا ادمان لقدر الله بما انك ذكرتي كلمة كبائر دايم ارسلي له رسائل على جواله انك تتمنيه يتغير وانك ودك اولادك يتفاخروا فيه ويكون قدوتكم وهالكلام وانتي عارفه ان الموضوع تجاوز سيطرته ع نفسه وقولي له انت كل الي عليك تنوي وتعزم والكل بيوقف معاك ويساعدك

وبرضوا لاتستهوني بالرسائل حتى لو مافيه شيء من الي قلته اكيد انتي عارفه سبب تصرفاته وع اساس السبب خلي رسايلك عادة ااي احد بصفه عامه يتقبل من الرسايل وتأثر فيه اكثر من الكلام مو زي اذا كان وجها لوجه بيشوفها جراءه ويسوي عكس الي قلتيه عشان يوضح انه مااتاثر بكلامك


وبما انه يحبكم خلي بالبدايه هذا السبب الي يأثر فيه
و لاتجي له من ناحية الدين ابدا ابدا وانه حرام وكل هالكلام لان عارف هالشيء وبعدين مع كثرة الانغماس بالذنوب والبعد عن الله سبحان الله القلب يقسى ومايتأثر وغير كذا انا عن نفسي مااتقبل من اي احد اسلوب انه يقولي ع شيء حرام بااسلوب تهديد ووعيد وخصوصا مع نرفزتك وعدم تحملك لوالدك يدل على انك انسانه عصبيه والانسان العصبي وسريع الانفعال محد يتقبل منه شيء خصوصا بموضوع حساس زي الدين اسألي مجرب هع

الله يشفي والدك مما ابتلاه يارب ويهديه ويصلحه وينور بصيرته يارب
ولاتنسيه من دعائك اقل شيء تسويه له تدعي له

ارجوا تتقبلي فلسفتي بصدر رحب