Beta2
أختي الحبيبة أعجبني تحليلك..
ربي يسعدك ... لا تزعلي مني حبيبتي
لكن بوضح لك شغله
زوجي من الأنماط شمالي شرقي..
وانتِ يا الملوله 
وش نمطك ؟
يعني/
دقيق منظم مرتب يحترم الوقت جداً
تهمه نظرة الناس فيه ومستعد يتنازل عن رغبته في سبيل مايحكون فيه!
ممكن يحرمنا أي شي عشان مايقولون زوته كذا وكذا!
حتى لو عادي عنده ينفذه لكن مايبي أحد يشوه سمعته!
قيادي صارم يحب تكون كلمته مسموعة
هالصفة حيل حلوة في ا لشخص ومتعبة اللي حوالينه!
يعني وش ماقدمت وخضعت وولعت أصابعي شمع
أي غلطة بسيطة
تصير بعينه كبيرة
تصير بعينه كبيرة ويصارخ ويقول عنها كلام كبير وكأنها نهاية العالم ... عندي منه هالنموذج ... وموقفه هذا بيأثر فيك بقوة إذا كان زوجك بالنسبة لك هو مؤشر نجاحك لكن لو انتِ حاسبتِ نفسك بنفسك واقتنعتِ تماما بأنك ما قصرتِ وعارفه وفاهمه بأن سبب صراخه هو العقدة اللي عنده وحالته النفسية سبب عصبيته مو غلطتكم فما راح تتأثري بكلامه كثير ... يكون يتكلم قدامي وهو على فكرة ما يصارخ كلن كلامه مثل السكاكين حادة وجارحه هو يتكلم ويقذف وانا بيني وبين نفسي أحلل .. واقول مسكين خرج مرضه عن سيطرته ... باللحظة اللي تعذريه فيها يروح تأثير كلامه الجارح .
يعلم ربي أجتهدت في رضاه وأحتسبت كل شي عند رب العالمين
لكن أي خطأ يصير يحتقر ويذم ولسانه حاد بذيئ
مهما أحتسبت هالشي عند رب العالمين
وفهمت شخصيته
وعرفت وش لي ووش علي
بالأخير أنا بشر
أمل وأتعب واتألم واحتاج وأحس بالحرمان زيي زي غيري
أعرف .. وربي عارفه ... لكن اللي أقوله لك عوامل تخفيف .. يصير أثر كلامه أقل بكثير من أول وما تعودي تنجرحي .. ولأنه ما يقصد كلامه تلاقيه ثاني يوم نسي كل اتهاماته واننتقاده ولو انتِ كمان ما أعطيتي النوبة هذي أهميه بتمر عليكم بأقل الاضرار وما تتأثر علاقتكم وجوكم بالبيت
وقلت كثير ربي وهو ربي أذنب واخطي واعصيه
كيف ماتبي مني خطأ حتى لو بشكل غير مقصود!
انتي ماعرفتي مواقفي اللي صارت بيني وبينه
قصص كثيرة صارت لمن أفكر فيها أقول كيف عطاني ربي الصبر وقدرة التحمل!
ويكفيني من مشاكلة إني أحد المرات ولدت قبل وقتي بشهر وانا اللي ادخل العاشر في كل ولادتي!
بسبب إنه زعل من شي تافه جداً!
وقعد شهر وزيادة وهو يعاملني معاملة سيئة أنا والأولاد كانه والله شايفني بالفراش مع واحد!
المشكلة انه انتم الاثنين عصبيين وكل واحد لازم يثبت صحة رأيه ... هذي العيشة تقصر العمر .. صعبة عليكم انتم الاثنين وصعبة على أولادكم
ما دام الأمر تافه ليه تتضايقي لدرجة أنك تولدي قبل وقتك ؟؟؟؟؟؟؟؟؟ ليه أخذتِ حكمه عليكِ وما أخذتِ بحكمك أنتِ بأن الأمر تافه .... تافه وما يستاهل أتضايق منه ... أنا ما غلطت حتى أتضايق ... هو معصب بكيفه .. عنده مشكلة بداخله ويطلعها علي .. وإذا طلعها على جارتكم وعصب عليها أكيد بتزعلي منه ههههههههه لازم يطلعها عليكِ انتِ وتتحملي وتتجاهلي ههههههههههه
أناأتعامل مع شخص
ممكن ينقلب علي بلحظة
يصير شرس
ماتفيد معه المعامله الطيبة
لما يصير شرس لا تجادلي وبس .. خلي يتكلم ويطلع اللي عنده .. ولا تتفاعلي مع كلامه لا داخليا ولا خارجيا ... مرة على مرة لما تقتنعي بأنه كلامه مو لك وانه بس يفرغ شحنات وهو نفسه مو مصدق كلامه بيصير التجاهل أسهل
وممكن لمن يروق
يحطني بعيونه ويحسسني أميرة!
حلو ... في ناس تذوق المر وبحالة الروقان يكون الصمت ... يعني تنبسط الزوجه إذا أكرمها بسكاته
ماأعتقد بكل حال إني أستحق أعيش هالوضع باي شكل من الأشكال..
إذا عندك حل جربيه .... لكني للأسف ومن متابعتي لموضوعك أشوف بأنك استعملتي كل الوسائل ... وهو استعمل كل الوسائل ... الوسائل الحادة وصلتكم للطلاق أول مرة ... والحين كل واحد فيكم قاعد يحلل ويحاول يقنع الثاني بوجهة نظره ..
تراه هو كمان يعاني نفس معاناتك .. ويظن بأنه مظلوم مثلك ويشوفك عصبية وما تقدري تعبه مثل ما انت تشوفي انه ما يقدرك . كل واحد فيكم معند على رأيه بينما الواقع انه كل واحد فيكم عنده شويه عناد ولما اجتمع عنادك بعناده انشحن الجو أكثر من المحتمل . مع أي مشكلة تصير بينكم لازم واحد فيكم يبتدي بالتنازل ولما الطرف الأول يتنازل بتلاقي انه الثاني تنازل مثله ويمكن أكثر ... أنا أشوف انه المرأة أقدر من الرجل على لعب هذا الدور لأنها أذكى .
بخصوص الملاحظة
بصراحة ماأقدر ابت بالموضوع
لأنه معه ضعف من قبل ومن بعد فما تغير شي بالنسبة لي
لأني سويتها من مبدأ الجذب إذا كان هالشي منفر لكن ماتغير شي!
أعتقد اللي معه ضعف سواء بالعملية أو بدونها ماراح يتغير شي
بالأول مافيه شي يجذبه لتطور الممارسة
وبالثاني قد يكون يحتاج قوة مو قادر عليها
في كل الحالتين خسران خخخخخخخخ
بأكثر من موضع تعطيني إجابتك الشعور بأنك متشفيه أو بداخلك جزء ولو بسيط بالفرح بعجزه !!!! وكأن تشوفي بعجزه مظهر انكسار وعقاب الهي على تعامله الصعب معك ونصر لكِ عليه
معليش شرح وحده نعسانة
تصبحون على خير..