اتفق مع رأي ليه الغرور ..
و مثل ماهو عنده تقصير، فإنت كمان نفس الشي و هو بيتغاضى عن اي تقصير

و بما انه انسان بارد، يعني اللي فهمته انك تحاولي تستفزيه ؟؟؟

و على فكرة، انت زوجك يأجل الاشياء اسبوع و اسبوعين
انا زوجي يأجلها سنة كاملة

من جد اتكلم و عااااااادي .. مع اني وحدة حااااااارة و اشغالي أنفذها
من نفس اللحظة، مو مثلا اني باردة و الامور عندي عادي لو تتاخر ؟

بس أقلمت نفسي و ماخذة الامور بضحك و تريقة ..

تخيلي ؟ انا عند اهلي من الشهر الثامن من حملي .. و دخلت العاشر و ولدت
و انا كل شوي اقول لزوجي، اذا رحت لبيتنا جيبلي ملابسي و ملابس ولدك و هو
يقول طيب .. و ماجابهم غير قبل امس ^^
يعني 3 اشهر و هو يقول طيب

و من سنة اقول له يقدملي على شغالة و انا بادفع فلوسها، هو بس يسأل لي ..
و لحد دحين و هو يقول طيب .. و يعيد نفس السؤال ؟ ايش تبغي جنسيتها ؟
و كل مرة اعيد الجواب .. صرت دحين اقول له، كم مرة تسألني نفس السؤال ؟
و يرد علي .. نسيت ايش قلتي ؟

ياختي .. لا تنكدي على نفسك