بالنسبه للبنت إلي شفتها وش صار عليها ؟!!!!
علي فكره صعبه تشوف بنت وتسحب كذا مايصير
أما علي ردك الاخير
اقتباس:
المشاركة الأصلية كتبت بواسطة SCoT
اول شي انا ماينقصني شي الحمدلله
وثاني شي اول مره اتزوج
ثالث شي خايف ان يكون فيها عقد من الطلاق الاول
رابع شي ماراح تكون بكر لانها مطلقه الي مضيق صدري اكبر وش بيقولون ربعي لو در اني متزوج مطلقه
احسهم بيقولون اكيد في بلى عشان تزوج مطلقه ؟
مع اني مااهتم لكلام الناس بس غصب عنك تضطر تخضع للعاصفه
وفوق هذا الوالد حذرني من الملطقات
|
زواج شهرين وتنحسب مطلقه والله مسكينه ياعزتي لحالها محسوبه مطلقه على شهرين وإن ماخاب ظني ممكن أنه أقل من كذا وأتوقع علي حسب تحليلي للموضوع ممكن أنها جلست اسبوع
وبعدين ألحين وشلون خفت من كلامهم علي المطلقه ولا خفت يتكلمون عليك وأنت ناوي تتزوج أجنبيه
الزواج من اجنبيه في الغالب تكون الزوجه 2
أما الأولى هذا محد رضاء فيه
طيب موضوع العقده علي فكره مو شرط كل مطلقه معقده وإلا شي شف بعض المطلقات يدورون الزواج وتبي تعيش حياتها وتعوض بشريك حياة يسعدها وتسعده
وعلي العقده بصراحه أحس شي نفسي مو علي الظروف
مثل الأخت الفاضله إلي أهي أنا بصراحه متعقده من الزواج ومن الطلاق ومن العنوسه ومن الرجاجيل
مع أني ماا أنتمي لأي فئه من هالفئات بس كذا شي نفسي
يعني شي طبيعي تشوف بنت متقعده من الطلاق وموسوسه وكل الحالات شي طبيعي جدا
عشان لاتحط في بالك المطلقات
اما بالنسبه لاتحذير الوالد علي حد ذاكرتي الوالده مطلقه الله يحفظها أكيد ماتشوف في أمك شي
ومو شرط كل مطلقه يكون فيها إنحلال أخلاقي وأبدا هذا الكلام مو صحيح وألحين البنات ياساتر فيه بنات الله يستر عليهم
مع أني مااشجع علي زاوج الشاب من مطلقه إلي في مثل هالحالات يعني زواجها كم شهر وطلقت ماحست لابزوج ولا زواج
وممكن هالبنت مناسبه لك لكن لاتتزوجها وأكيد بتلاقي نصيبها والله بيرزقها
أولا أنت مو متقبل نفسيا لزواجك من مطلقه وهالشي حاز في خاطرك
ثاني شي مو شرط هالبنت تكون الزوجه إلي تبحث عنها أو راح تكون زوجه صالحه
الله يدلك علي إلي فيه خير
لكن أتمنى أنك ماتتنازل عن أهم شي امك وتخلي هدفك الأساسي زوجه تعينك علي بر والدتك هي سعادتك وتوفيقك في الدنيا والأخره وجنتك تحت قدمها
ومتاع الدنيا الزوجه الصالحه
إذا البنت فيها مواصفات ماتوفرت في غيرها الطلاق مو عيب ولا عار شي كتبه الله والبنت مالها يد فيه
وممكن هالبنت تكون حنونه وقلبها متلهف علي زوج يسندها ويشاركها همومها ويكون لها الحضن الدافي
وراح تحاول بقدر الإمكان تسعدك وهذا المهم وأنت علي ظروفك يبي لك وحده صبوره بصراحه
يعني مو أي وحده تتحمل أم الزوج بعضهم صح تجلس معها وكذا لكن من وراء انواع الكلام
وغير كذا السفر هذا شي قوي مسالت كل شهر رايح ويخليها عند أمه
و أصعب من هذا كله وخساره الدنيا لو تخسر أمك عشان زوجه يعني كذا خسرت الجنه وخسرت دنياك واساس التوفيق والسعاده في الدنيا بر الأم والإحسان لها
الله يوفقك ويعينك علي بر أمك
ولا أخفيك متفائله لك خير كثير وتوفيق في دينك ودنياك ويرزقك الزوجه إلي تقر عينك
أعتذر إذا كلامي مو مفهوم وإلا ألغاز بس مخي فاصل بعد امتحان سقيم
__________________
قال تعالى ((وإن ربك لذو فضل على الناس ولكن أكثرهم لا يشكرون ))
ربى أوزعنى أن أشكر نعمتك التى أنعمت على وعلى والدى وأن أعمل صالحا ترضاه