طيب الحين طلال هذا عنده خبر انك متزاعله مع زوجك وتركتي البيت بسببه..
نصيحه مني زوجك اذا اتصل عليك ردي وفهميه الشي الي مضايقك منه مايصير تسكتين ماتردين طيب كيف تتفاهمون وتحلون المشكله اذا مافي تواصل بينكم وراح تتركينه للفراغ ويمكن لاسمح الله يتهور يسوي شي غلط في غيابك.. اول شي فهميه انه غلط عليك وطردك من البيت واهانك ولازم يصحح غلطه ووضحيله انك زعلانه ومستحيل ترضين الا برضوه وبعدها ترجعين بيتك وهو الي يجي وياخدك مثل ماجابك..نصيحه لاتتنازلين عن هالشرط اذا تنازلتي ماراح يتادب معك صدقيني..وفي كل مره بيقلك روحي بيت اهلك
وثانيا فهميه الاشياء الي متضايقه منها .وهو نقل اسرارك لصديقه ووضحيله انه ها الشي مايصير وانه ممكن يخلي صديقه يفكر فيك من كثر مايتكلم عنك قدامه . لاتستبعدين.وياما زوجات راحوا ضحيه هذا التصرف. ..اذكر قصة واحد عضو هنا اعترف بعمل سحر لزوجة صديقه عشان يوصل لها...ليييش لان صديقه يتكلم عنها وبالاشياء الي تسويها له بكثره امامه حتى تعلق قلبه بزوجة صديقه. هذا التصرف جدااا خطييييير وعواقبه وخيمه..لازم يحفظ اسراركم..مهما كانت اخلاق صديقه ومهما كانت ثقته فيه المفروض مايجيب سيرتك امامه وايضا صديقه المفروض مايتكلم عن زوجته امام زوجك لابخير ولابشر
وضحي له انك تحتاجينه في السوق او السوبر ماركت ومايصير يرميك ويروح لصديقه...ووضحيله انه احيانا تحتاجون تكونون في سفره او طلعه لوحدكم ومو شرط في كل مره يكون صديقه معكم..يعني مره في الشهرين يطلع معكم
في الاخير وضحيله انك مو معترضه على صداقتهم لا انتي اعتراضك فقط على بعض التصرفات خصوصا مكالمات الليل..
__________________
أكبر مشكله.........
لاصرت عارف بالحقيقه وساكت..ماتبي<< تحرج >>بعض الوجيه بسود افعالها