اخوي الفاضل ابو حكيم
انا مع التغيير لو كان ينفع مع زوجي لكن زوجي كل نصايحكم جربتها معه وكظم غيظ لدرجة فظيعه وفي الاخير يرجع مثل ماهو
لكن زي ماقلت الطريقه اللي باقي ماجربتها هي الشده وزي ماقالت الاخت قال لمي عفشك على طول اروح والم عفشي وشوف وش نهايتها معه
انت وش رايك بهذا التصرف؟؟ مو احفظ لماء الوجه بدل مااترجى امه تدخل تصلح بيننا لانه اتضح انه كلم امه وخبرها كل شي المره الاولى ولاصار شي عنيد ولانفع معه حتى نصايح امه
امه صار موقف معها قبل يومين امامي بالصدفه موضوع بسيط انفتح وعارض هو كالعاده الموضوع جالسين نتكلم لو اتوظف ونتكلم عن فوايد الوظيفه الا يدخل في السالفه ويقول اصلا الراتب باخذه التفتت امه وقالت ليش تاخذه قال زوجتي وابغاها تساعدني وباخذ راتبها قلت انت اصلا تاخذه بدون ماتشعر يعني صرفيتي على نفسي ماهي كانها مساعده لك يعني لو ماعندي وظيفه كان دفعت مصروف ملابسي واغراضي قال ايه قلت طيب انا ساعدتك يوم اشتريت بها لنفسي ولالا؟؟ قال بس مو زي لما اخذه كله سكتنا انا وامه وجلسنا نطل فيه وهو ولاهمه يعابط قمت قلت طيب يفداك مابنتخاصم عشان وسخ دنيا قالت امه خل فلوسها لها ولعيالها ليش تاخذه؟؟
هي بالله وش رايكم؟؟

__________________
الحجاب عبــاده وليس عاده