اقتباس:
المشاركة الأصلية كتبت بواسطة نوآرة
حبي حنا نبي نتزوج .. مب عشان ننسى حب سابق .. أو من هالكلام ..
الله يعلم كم تحتاج المرأة لسند في هذه الحياة
+ بالذات اللي الكل ضدها : المطلقة اللي معاها أطفال ..
من يسندها بهالدنيا .. وإيش ذنبها وذنب اطفالها يرفضها المجتمع ..
ما أقول إلا الحمد لله إن الرزق على الله بس ..
وإلا لو بيد الناس وبالذات النسوان .. لا ماتزوج أحد .. إلا مارحم ربي ..
-أمبيه .. بليز أختي .. تراك حرمه لاتهاجمين الحريم .. !!!!!
|
أختي الكل ضدها أستوقفتني
وممكن أنتي منطقك إن لم تكن معي فأنت ضدي
الكل في الموضوع مو ضدك لكن وجهت نظرهم تختلف والكثير فيها من الصحه الكثير
مسألت السند لك ولعيالك
هل تتوقعين رجال سيربي عيال غيره ؟
والأب عايش ممكن الأرمله لا فيه كثير رجال يقدمون علي الزواج منها بسبب عيالها والكل يعرف فضل تربيه الأيتام
لكن القصد المطلقه والأب عايش ؟!
أختي الشرع بعد زواج الأم خلاص بدون خيار الأبناء لأبيهم في بعض الأباء يحطونهم عن جدتهم بعضهم لا عنده يختلفون من هالناحيه لكن أبدا مايروحون مع الأم في بيت زوجها في كل الاحوال والاب عايش
سبحان الله أغلب الرجال سوى معدد أو غيره يرفض لكن ممكن المعدد منشغل عنده بيت ثاني وبالتالي فيه فرصه للأم تجلس مع أبنائها
والمفروض المعدد يتجه للمطلقه باطفال بسبب هالشي إذا كان رجال يخاف الله
بالنسبه للمطلق صعبه يتزوج مطلقه بأبناء لو كان طفل واحد محلول أمره لكن أكثر من طفل صعبه
أبوحكيم تكلم بواقعيه بصراحه أحيه عليها فكر في المستقبل وش راح يكون حال الأبناء
صدقيني سواء مطلق وأقدم علي زواج من مطلقه بأطفال لازم يحط في باله كل الإعتبارات من ظلم للأبناء إذا الرجال يخاف من ربه ومن الاخره ماراح يحمل نفسه مسؤليه أطفال وبيخاف من ظلمهم
أو بالمعنى الأصح راح يعرف قدر نفسه ولا راح يقدم علي الزواج من مطلقه بأطفال بسبب هالشي
وكذالك النساء لو تقدم لها مطلق بأطفال وأهي راح تتحمل المسؤليه تعرف نفسها إذا قد هالمسؤليه وتحملها أو لاتقدم وتفضل المعدد عليه
بعض النساء تحمل نفسها وتكون زوجه الأب الظالمه ويدعون عليها لما يموتون وكذالك الرجل
رحم الله أمري عرف قدر نفسه
أختي للأسف أنتي عايشه في أحلام تتعاملين مع الأمور بعاطفه زياده وانانيه
ومسألت الحمل والولاده لاتأثر علي المرأة هذا خطاء ومعروف أنه يأثر والمرأة تختلف لما تكون أم
المطلقه بدون أطفال لاتفرق عن التي لم يسبق لها الزواج كثيرا وفروقات بسيطه تزول من أول أيام الزواج
من الناحيه الجسديه لكن ممكن الفرق من الناحيه النفسيه
مقارنه المطلقه بدون أطفال بالمطلقه بأطفال هذا فيه ظلم أول شي المطلقه بدون أطفال في الغالب زواجهم دام أشهر بعكس المطلقه بأطفال دام سنوات وجربت طعم الأمومه إلي كل أنثى تحلم فيه
لكن المطلقه بأطفال لم تجرب هالطعم ولا فرحت أول طفل لها
المطلقه بدون أطفال كثير منهم يتزوجون عزاب وأعرف من محيطي حول الثلاث تزوجو عزاب وهم مطلقات بدون اطفال بسبب الرجال يدرك أنه مافيه فرق كبير بينهم
وكذالك المطلق بدون أطفال مافيه شي أي فرق بينه وبين الأعزب سوى ممكن فرق نفسي والرجال مايتاثر مثل المرأة عشان كذا تشوفين كثير من البنات توافق علي المطلق بدون أطفال
أختي أتمنى من قلبي تكونين منصفه في حق نفسك لاحظت أنك مندفعه جدا من ناحيه الأقدام علي الزواج وهذا من حقك وبالعكس شي جميل أنك عندك هالأقدام
لكن لأطفالك عليك حق لزوج القادم عليك حق
الجميل أنتي إنسانه عاطفيه وتقدرين الزواج لكن العقل لازم يكون له الجزء الأكبر في حالتك
أطفالك صغار تجربه الزواج المرة الثانيه ليست مثل الأولى بكل المقايس
ليس مهم الأن زوج حالته الإجتماعيه مثل زوج تقي يخاف الله ويتقيه
ولو كنت أنا أكثر وحده في المنتدى تعارض فكرة المعدد لكن مو شرط المعدد رجل سئ أو أن التعداد فيه ظلم علي زوجته
ولكن بما أنك أنتي ترفضين الفكره ونفسك ماتقبل لا أشجعك علي قبول معدد ليس لأنه سئ
أبدا لكن انتي ترفضين وموافقتك عليه ظلم لنفسك وعليه
الأخت pink choco
تكلمت عن الموضوع وبصراحه محقه في كل كلمه قالتها وكلامها ماعليه غبار
ولا لنا حق نقلل في شأن البكر بالعكس البكر تكون روحها غير المطلقه إلي تكون أكثر حذر
أما البكر غير مو بسبب الفرق الجسدي لا الفرق النفسي
الفرق الجسدي هذا شي لايذكر بسبب البنت مو كل بنت ماتزوجت تكون بكر لايفهم قصدي غلط لمن كثير بنات تفقد هالشي بسبب غلط في التصرف مو غلط أخلاقي لا والكل يعرف والمنتديات وخوف البنات أكبر دليل
وأعتبرها أنانيه لو نحكم علي بكر مثل مانحكم علي المطلقه
الأخ sweet_woman88
كلامه منطقي وتفسيره واضح جدا
أختي أحنا مانقسم رزق أحد لكن أحنا كلامنا كله عن سؤالك
وتكلامنا بخصوص المطلقه بأطفال تختلف ووضعها يختلف
بالنسبه لشاب الأعزب لانظلمه ونقول لاتزوج المطلقه وأنه غلط لو توجه للبكر أنا بنت لم يسبق لي الزواج بصراحه كنت مستحيل أوافق علي مطلق أو معدد
وهذا حق وكذالك الشاب الأعزب له الحق مثل مالي مايوافق علي بنت سبق لها الزواج
أتمنى تتقبلين وجهت نظري
ودي
__________________
قال تعالى ((وإن ربك لذو فضل على الناس ولكن أكثرهم لا يشكرون ))
ربى أوزعنى أن أشكر نعمتك التى أنعمت على وعلى والدى وأن أعمل صالحا ترضاه