اختي وحدانيه
ذكرتي سابقا انه راتب زوجك ما شاء الله تبارك الله جدا عالي ولو عرفوه الاعضاء رح يعرفو انه فعلا هو حريص ومارح يلوموك هذا غير الاملاك اللي ذكرتيها انها ملكه ما شاء الله هنا وهناك ..

انتي تعبتي من الطلب والاستموات الين ما يرضى يرمي لك (حفنه من المال) اللي هي المفروض انها توصلك من دون ما تنذلي بما انه هو المسئول عن الانفاق ..

تعرفي حسيت انه زوجك مستغرب انه انتي كيف رضيتي تتزوجيه؟هو عارف انه مافيه اي ميزه لا من ناحية العمر ولا من ناحية الشكل ولا من ناحية ظروفه انه معدد وعياله متزوجين ومقتنع انك اتزوجتيه فقط لطمعك بماله لانه هو عارف انه مافيه ميزه تجذب فتاة في مقتبل العمر مثلك له..فبالتالي هو منقهر من جوى زي ما تقولي هو مغيوظ انك اخذتيه طمعا في ماله (زي ماهو شايف ومقنع نفسه وهو اصلا مو عارف الظروف اللي جبرتك انك تقبلي تاخذيه) فتلاقيه قال مارح اعطيها الريال الا بعد ما اهد حيلها ..

وانتي مو قادره تتحمليه لانه جوى راسك بتدور فكرة (شين وقوي عين)
وانتي من جوى حاسه انه انتي يستاهلك واحد احسن منه ولما يقصر معاك تتوتري وتعصبي بزياده وتصيري مو عارفه تتصرفي ..


زوجك يبغاله وقفه قويه الاستهتار والمذله في الصرف بالشكل هذا ما يجوز وولده لازم يصرف عليه كويس والصرفيه تكون على قد مستواه المادي ..
وسالفة الشغاله طولي بالك عليه شوي ويقولك (امشي ورى الكذاب الى باب بيته) طولي بالك وسايريه وشوفي الين فين حيوصلك صدقيني حيوصل لمرحله ما يقدر يراوغ فيها ورح يجيبلك هي بالاخر ..

الله يوفقك ويسخرلك زوجك ويقومك بالسلامه..

__________________