شف أخوي بصراحه الرجال مالهم أمان وماستغربت موقف زوجتك أبدا
أما وين ودتها أكيد حساب جديد لما عرفت أنك عرفت المبلغ
أخوي لايدخل الشيطان بينكم ويخرب بيتكم
وبصراحه أشوف مالك حق أبدا تعرف وغريب أمر الرجال كأن المراة بدون عقل أو طفله
أنا أتكلم من واقع عشته الوالده الله يحفظها غير موظفه لكن كانت تاخذ مصروف من الوالد ألحين ماشاءالله عندها مال إضافه لكذا لو لا الله ثم أمي كان حالتنا حاله
أبوي مر بضائقه ماليه كبيره بعد الأسهم وبسبب أمي الحمدالله تحسنت الأمور وأصلا أنا عيالها ماحسينا بهالشي كانت أمي تسدد وتقارب وساعدت أبوي في عز ضيقته
إضافه لكذا
الوالده الله يحفظها تملك أراضي وأبوي ماعنده خبر وأخوي هو من شراها وبأسمه بسبب تخاف نفس مشكلتك تصير
وحتي أنا أستغربت تصرف أمي وعدم إخبارها لأبوي وبصراحه أنا دريت بالصدفه لكن لما فكرت صح تصرف أمي وقريت مشكلتك وأكدت لي هالشي
وبالعكس ماأنكر أمي ألحين سبب امان لنا بعد الله وتصرف أمي في مالها والمصروف إلي تاخذه من الوالد فتح لنا أبوب رزق
الله يحفظ لنا ابوي لكن أقول الرجال ممكن تمر فيه ظروف وزوجتك مو أهي فقط إلي تخبي عليك كثير نساء يخبون علي ازواجهم بسبب خوفهم الزوج يطمع في فلوسها وكل شي ولا الفلوس تغير النفوس
وأبوي نصح أختي وأهي موظفه ماتدخل مع زوجها في أي أمور ماليه بسبب أبوي يعرف طبع الرجال من هالناحيه والكل يعرف والمال لين دخل بين الازواج خرب عليهم
أخوي نصيحه لاتخرب بيتك زوجتك بتصرفاتك راح تزيد تعناد وبتفرحون الشيطان وماتسوي المشكله كلها زوجتك مو طفله وعاقله رشيده وأم 3 أطفال مااتوقع أنها راح تغامر وإضافه لكذا الحرمه خوافه يعني مو سهل تغامر بفلوسها
خذها بالسياسه ورجعها للبيت بعدين راح تقول لك كل شي بعد ماتحس بالأمان
وأنتبه كل ماطالت المده زوجتك راح تتهور وتحطها في مساهمه وياكثر المساهمات أو شي مو مضمون
الله يصلح حالكم
__________________
قال تعالى ((وإن ربك لذو فضل على الناس ولكن أكثرهم لا يشكرون ))
ربى أوزعنى أن أشكر نعمتك التى أنعمت على وعلى والدى وأن أعمل صالحا ترضاه