و ليه نحببببببط الاخ ؟
جميع المواصفات اللي ذكرها الاخ، من الممكن توفرها بكثير من البنات
و ماطلب الاخ شي تعجيزي

انت ياخوي، تبغى النسب و الجمال .. هذه اول نقطتين بتعرفهم بسهولة

ثم نجي للنقطة الثالثة ووالرابعة و اللي هي: القلب و العقل

يعني تعرف انها حنونة، اذا سألت ووعرفت كيف تتعامل مع الشغالات و مع الفقراء
لو عندكم شغالة و اهل البنت كمان.. فمرات يحكوا لبعض
انا يوم اخترت زوجة اخوي، شغالتي قالتلي انه شغالتهم مرة تحب البنت و تمدح فيها
و بالفعل، زوجة اخوي حنونة ماشاء الله

اما العقل، فصحيح انه الشهادة مو مقياس.. لكن ممكن نستدل منه على اشياء و انت قلت
من قبل انك تبغى وحدة باخر سنة بالجامعة.. و لاتقيس بمقياس الناس، قيسه بمقياسك انت
يعني مثلا، واحد من اخواني تزوج وحدة بالثانوية و البنت عاقلة بس مااحس انه بينهم تقارب
فكري و هي كمان تحس فيه حواجز بينها و بين زوجها .. اخوي التاني مثلك و يبغى وحدة تفهمه
و يكونوا متقاربين بكل شي.. فاتزوج وحدة متخرجة من الجامعة والفرق بينهم بسيط
و متفاهمين و الحمدلله

فحاول تاخد وحدة قريبة منك بالعمر و جامعية

--------------------

اما النقطة الخامسة و السادسة و اللي هي: الدين و الاخلاق
فشوف تربية اهلها، اسأل عن امها و طريقة تعامل الام مع الاب
اسال ازواج اخوات البنت عن اخلاق الاهل.. صحيح مو مقياس
لكن التربة اللي هي تربت فيها لابد لها من تأثير

و اخر نقطة، خفة الدم و المرح و اجتماعية ووو الخ
اسال عن صحباتها في الجامعة او في العمل.. مو شرط يكون عندها صحبات
بالمئات،، ممكن لها صديقتين فقط، بس البنت تكون فرفوشة
و انت كمان ماتبغى زوجة، كل يوم تروح زواج و مناسبة.. صح و لا خطأ ؟

يعني انت ماتبغى وحدة نكدية و لا مشكلجية و اجتماعية و مرحة ؟؟؟؟؟
و هذه احسها تبان اكثر شي بالقرب من الشخص نفسه

----------

انت اسال عن البنت: نسبها+الشكل+الاهل+الشهادة+التعامل مع الفقراء
اجتماعية او لا ؟ خلي اهلك يزوروهم كم مرة و يتعرفوا عليهم
قبل مااتتقدم للناس و بتعرف وقتها