مو تناقشنا في بداية الامر ،، و قربنا و جهات النظر ..
و رضينا رغم كل شي ..
لكن أخذت مقلب والله ،، و بدا يخرب الاتفاق ..
فعلا هو مو واثق أبدا ،، و تجاوز حدوده في الممنوعات علي ..
أنا اللي رضيتها للأسف من البداية و الغلط مني أنا و اعترف بهذا الشي

اعتقدت ان الحياة بتكون مثالية ،، و ان اقرب طريق للراحة هو الطاعة العميا
تنازلت عن اشيا كثيرة ،، تلفزيون ،، اتصالات ،، و ملابس ، نظام حياتي بالكامل غيرته عشانه
لدرجة أني عشت بشخصيته هو بأدق الامور ،، متجاهلة نفسي و رغبتي و شخصيتي و ذوقي ..

و كنت اقول لكل المنتقدين لحياتي الزوجية ،، لا إحنا متفاهمين و ماشين سوا ..!
لكن الان عرفت انه هو نفسه ماتحمل المعتقل اللي عيشنا فيه ،، و لا قدر يلتزم بالنظام اللي هو حطه ..
فحرر نفسه منه ،، و بيلزمني فيه أنا ..!

و مع اول غلط ،، تركني بالأيام و بدون ادني شعور بالمسؤلية ..
ما شفع لي التزامي طول هالسنين ،، و لا طاعتي ،، و انكاري لذاتي ..
بتصرفه خلاني افتقد كل الاشيا الممنوعة ،، لاول مرة احس بطعم الحرمان من جد ..

اشكر مداخلتك اختي ..