السلام عليكم،،، لاحد يزعل اذا مارديت على سؤاله لأني بالجوال صعبه اقتبس وانا والله انسى بعض الكلام..برد على اللي اتذكره..من وين لي نت؟اقسم بالله ان ماعندي شبكه ولا لاب توب وانا ايام تجهيزي لزواجي شريت من جرير جوال جالكسي وعطوني هديه شريحة نت موبايلي اللي مومصدقني يمر على جرير يشري منهم جهاز،، وحتى لوماعندي شريحه اقدر ادخل من جوالي اذا كنت فب بيت اهلي عن طريق الشبكه ،، واللي تقول مافيه بين مافيه طعام اتقي الله والله اني كنت عند اهلي آكل من اي مطعم يمر على بالك وكنت اتصدق كثييير على الناس المحتاجه واليوم صرت انا المحتاجه،،،وزوجي كان مقتدر لكن حصل ظرف عندهم يروح الراتب لهذا الظرف،، سيدة الموقف لاوالله موعشان يتسلى فيني 6شهور لأن اساسا قصده هذي الشهور مابيني وبينه اي شئ الا نومه في المجلس..وانا قلت لكم انه يوم باع الطقم شرى الاشياء الرئيسيه وقال عزمت اهلي الاربعاء ،، وامس الاسطوانه فاضيه عشان كذا انتظرته البارح ميته جوع..واليوم عباها وجات اخته اللي اخذ منها تمر وطبخت لها عشى ولا اكلت الا قليل مرررره حتى جابت معها حلا وفطاير واقسم بالله نااكلت الا نص قطعة حلا احس شهيتي انعدمت،،اي اليوم ماشرب من قهوتي ولا اكل من اكلي على كلامه قطع كل شئ بيننا ،، وانا ادري فيه لو جيته واعتذرت وسويت مثل مايبي بترجع المياه الى مجاريها بس احس خاطري طاب للحين مجروحه ومتظايقه ..وبنفس الوقت مابي الطلاق وهو فيه صفات كثييييره ممتازة..سيدة الموقف بالعكس هو من الرجال اللي يستحي ويحس على دمه ويحب يكون رجل بمعنى الكلمه ومايبي شء ينقص علي او على زوجته بس الظرف غصب عنه والله يوم خطبتي كان يقدر يفتح اربع بيوت..واللي تقول وش دخل الرقص بالظروف الماديه ..انا اقصد جسمي مرهق وهو يقول ارقصي ..بالله ياناس جربوا لافطور لاغدا لاعشى الى الساعه وحده وربع تقريبا كيف يقدر الواحد يمشي..وانا والله احبه ومتاكده انه يحبني واشيا كثيره بيننا لا مجال لذكرها ..والرجل ماخدعني بشئ وظرفه حصله بعد الزواج..الحين ايش تنصحوني فيه..الزرف ممكن يستمر سنه او اقل او اكثر العلم عند الله وحده..يمكن حتى بليله تفرج..الماضي الدفين مازلت اذكر ردك بموضوعي السابق ايش رايك ..اعلم ان عندك طفل تنصحيني اعتذر واصبر او احمد ربي على قطع علاقتنا ولنتظر الانفصال ..بدون اطفال..السؤال ليس فقط للماضي الدفين..ابي المشورة من الجميع