عزيزتي الرجال يختلفون مو كلهم يعرفون يتعاملون مع المرأة مثل ما تحب

أقلها هالشي تتأكدين إنه مو راعي بنات ولسانه معسول شبعان من المغازل

شكله رجل عملي 1+1=2 بلا زيادة ولا نقصان وصررريح

وبعدين ترى معروفه عن الضباط انهم كذا شخصياتهم وبعذرهم

اخوي نقيب مثل زوجك وليومك كل ماخطبنا له وكثروا سؤال عنه ومن حقهم عصّب وقالنا من زينهم هم وبنتهم خخخ

مع اني اعرفه طييييب القلب بس مايعرف للبنات وتعبت من كثر مااقوله البنات لهم تعامل غيرر

وان اشتد النقاش معه بخصوص زوجته المستقبلية الله يجيبها قريب قال اللي ماتمشي صح بقولها مع السلامة ههه

شفتي كيف هذا نموذج قريب لزوجك اللي على وجه وتحسينه صحيح وهو في الغالب ماتهمه هالامور الللي انتي

تشوفينها مهمة بنظرك كااا بنت وماالومك

انا الان مر على زواجي 3سنوات وليومك اشوف الفهاوة بزوجي الله يستر لا يقراها الحين ومع ذلك احاول اخليه

يصحصح وبالاخير اكتشفت انه الرجال كذا شوفي الفديو اللي حاطه حياة افضل بتوقيعه شي حقيقي ويضحك هههه

بقولك شي ياماسترية << يعنني اعرفك هنااااك

اهم شي تكوني مقتنعة بأغلب صفاته اول على الاقل الاساسية

وكذلك تكونين متقبلته صدقيني هالشيئين مهمين جداااااا

لانك اذا تقبلتيه بتقبلين عليه وبتحاولين تغيرين واذا مقتنعة بتكونين مرتاحة ومالي عيونك

مو بكره اقل خطأ منه تطلع لك كل مساااؤه وتكرهين الساعة اللي وافقتي فيها

الاقتناع والتقبل يخلي عندك تفاؤل وارادة انك تكونين معه وانه يجي يوم بتحبينه كثييير وبتغارين عليه وو

اتمنى وصل مقصدي بهالنقطة

طيب الآن بنقطة انه مايمدح ولا يشوف ولا يقول شي

اول شي لا تستعجلين لسا بدري على انسان عملي مثله

صحيح انا معك المفروض يتغير مادامه جلس مع انثى جديدة بحياته بس الشكوى لله هذا اللي عطاه ربي

حاولي يجيك البيت واجلسي معه خليه ياخذ عليك وتاخذين عليه وجيبها بالسواليف وش رايك بفستاني ؟

اعجبتك تسريحة شعري كذا او كذا ؟

شوفي كيف بيرد صدقيني بيطلع اللي جواته شوي شوي ويبدأ يستوعب موقفه

حتى هديتك عطيها اياه وسأليه اعجبك ذوقي طبعاً لا تقولين كيف اسأل مو حلوو

جيبها بنص السواليف غير مباشره

وحتى تطمني خلي سوالفك عفوية وضمنيها بأسئلة تهدي نفسك وتريحك

واكثري من الاستخارة والدعاء وابعدي فكرة الانفصال عنك

صحيح بالنسبة لأخوك لو قالها مره ثانية ردي عليه برد لطيف ودلع يحرجه

علشان ماياخذها عادة ويحاسب على حكيه

وتطمني مادام مثل ماقلتي خواته متعلمات ومهتمات بيجي يوم ويتغير زوجك بعد ماتدخل بحياته

زوجه ويتعدل للافضل اذا حبها وحبته وارتاحوا لبعض

اهم شي لا تحسسينه بأنه اقل منك وشوي شوي بتشوفينه يتغير ويحااااول ع الاقل

نصيحة اخيرة لااااا تكثرين التفكير والتدقيق فيه ترى بتتعبين

مادام الاساس كويس من صلاة واخلاق كل شي بعدها يتعدل

وتفائلي وادعي ربك بالتسخير وتصدقي من مهرك بنية التوفيق

والله يوفقكم ويريح باااالك ويطمنك