من ذاكرتي " وإن كان بها بعض النقص " :

1- يوم نزور جدتي " في منطقة غير منطقتنا " نجلس في بيت الجده , وامي تحرص على الهدوء وعدم إزعاجها
فما نقدر نعبث بأي شيء عشان جده ماتزعل منا وتقول إنا مو مؤادبين .. في يوم جاء ولد خالتي في نفس البيت وهواكبر مني فبتشجيع منه عبثنا بالبيت ..كسرنا التحف , فقامت امي وضربتني وحبستني بالغرفة .. امام ولد خالتي وجدتي وخالتي ..
وولد خالتي نفذ منها وراح بيتهم بدون عقاب لأن امه مو زي امي ..

إحساسي وقتها : تضايقت كثيير " طبعاً ما أقدر ابكي لأن أمي بتزيد العقاب لو بكيت " وحسيت بالظلم ..
وطبعا اشوف امي غلطانة فكلها تحفتين قديمة ..!

2- في المدرسة لازم أكون متفوقة عشان الناس لا تضحك علي وتقول غبية .. " هذا كلام أمي "
وفي مرة جبت الكشف من المدرسة فيه مادة جيد وهذا غير مقبول عند أمي فزعلت مني وماصارت تكلمني
لاني غبية وقالت لكل أخواني كذا ..

إحساسي : حسيت أني فعلاً أقل منهم كلهم وان الكل راح يضحك علي ..
وامي طبعاً غلطانة والموضوع مايسوي خاصة إنها المرة الأولى وكل موادي متفوقة فيها وما حسيت بهذا إلا يوم كبرت
وصرت اتذكر كيف أمي عطت التعليم أكبر من حجمه وان الفاشل الكل يزدريه ..

3- كانت أمي تقول إنه عيب أتعري قدام أحد , وفي نفس الوقت هي يوم تكون مستعجلة تبدلي ملابسي
عند صحباتي وعمري وقتها 5 سنوات ..
كنت أتضايق كثييييير بس ما أقدر أعارضها ... وكنت أحسه فعل قبيح ما يصير ..

هذا اللي يحضرني الآن ..