الملاك يونا....كل الحلول للي ذكرتيها مؤقته!! للاسف...
انا فكرت فيها... لكن وبعدين يعني هربت واتوظفت وخسرت اهلي وخسرتهم سمعتهم وبعدين في مجتمعنا ايش اسوي...بظل امراءة عربيه سعودية ....اهلي بيدوروني ويبلغون الشرطة وبيرجعوني مذلوله ذليله وبيرموني على زوجي ان اتقبلني او يرمون اطفاله عليه وانتي يزوجونك اي شخص وبكذا خسرتي اطفالك واهلك...صدقيني يسوونها! اذا بنتهم اتمردت عليه...
انا بأمكاني اروح للمحكمة بأي وقت واتحدى اهلي لكن اللي خلاني ما اروح ...اني راح اخسر ابوي واهلي والمحامي اكد لي ان حالتي اما فسخ وهذا الشيخ اللي يقررها واول شي راح يصلح الوضع..او خلع وانا ماعندي فلوس اعطيها زوجي ولا ابي اعطيه اصلا....
اما مسألة. اني اقوله ارمي عليك عيالك فهذا الشي ممكن يكون واقع...
ليش؟؟
لو اطلق انا مثلا راح اتزوج ماراح اضل كذا صعبة ويمكن لو اجل الزواج بعد سبع سنوات محد يتقدملي واذا تزوجت الان او بعدين راح يجادلني زوجي علشان اطفاله وبياخذهم.... وبكذا ظلمتهم وخسرتهم...وامي رافضه حضانتهم وانا شايفه انها ماتقدر لانها مريضه وكبيره الان هي تتعذب لانهم معتمدين عليها....
مرة قرات امراءة امريكية تحكي معاناتها انها حضنت طفلها عشر سنوات ثم تزوجت واخذ طليقها ابنه ولا تراه الا قليلا
هي امراءة امريكة اللي عندهم كل شي وعندهم مساواة بين الرجل والمراة ومو مسلمين
يعني لو نلف الدنيا الحكم هو الحكم...
خلينا نفكر شوي...
نقطة ضعفي الاطفال لا استطيع ان اتزوج برجل اخر واضع اطفالي بيد امراة اخرى قلبي وعقلي لن يسمحوا. لي....
وبنفس الوقت لا اريد زوجي ماذا افعل؟هذي هي حيرتي وتعبي ...
اهلي سيقفون بجانبي متى...اذا رفض الشروط هو وليس ابيه من ينفذ...
او ارجعوني وعاد لمعاملته السيئة...
هنا بيساعدوني وبيطلقوني منه والاطفال يبقون ضحيه ويبقى هذا امر واقعي وقتها لا ادري ماذا افعل....
اذا خلصت الاربعين راح يجيب ابوي اربع شهود وانا اشترط على زوجي...
اذا زوجي وافق على الشروط فهو يريدني ويريد اطفاله ويريد ان يحافظ علينا جميعا وان تجريحه ليس مقصود كما قالت خالتي بيتا انه لايعني مايقول وتذكري يوم يقول احبك ومقدر اطلقك...
زوجي غامض شخصيته صعبة ومتقلبه ومتناقضة...
زمان كنت اترجاه يطلقني ودايم طلقني ويررفض احبك هذا الكلام قبل الاطفال وبعدهم نفس الشي
الان يقولي اجامل؟؟
للان مو مستوعبة اللي مايبي يطلق ...مو ينجب منها ..هو متناقض او عنده من يحرضه ضدي وسبق ان قالي ان اخوانه وخواته يعايرونه انه متزوج مريضة بالروماتزم...
هو الان مايصرفني لاحظي بس لو ارسل رساله واقوله ابي ادوية على حسابك بالصيدلية يرد عادي خذي ابي كريم شامبو لا...
جاني بالمستشفى وحاول يتبرع بالدم ولما ماقدر جاب صديقة!
طلعني وما اشترالي اي شي وامي معي!
انا قلت يمكن تبرع الدم يبي يحسن سمعته عند اهل زوجته بعدين قلت لا اكيد بتنقهر لانها بتقول يتبرع لها بدمه يحبها هذا...
بعدين قلت لا يتحايل على اهلي علشان يرجعوني...
امي البارح تقول والله لو مايبيك طلقك وحط اطفاله عند زوجته
قلت لها خايف اخذهم حضانة
قالت لي والله مايخاف لان عارف مصيرك تتزوجين وياخذهم وهم راجعين له راجعين
ودايمن تكرر علي ارخصت له دمي وهو غالي...
وبالاخير ارجع واقول اني حيراااانه وادعي ربي بتيسير مافيه خير لي...