المشاركة الأصلية كتبت بواسطة نايف105
سلاااااااااااااااااااااااااااااااااااام
ابشركم الاخبار زينه ولله الحمد
نفذت خطتي مع تالا وفهمتها على سالفة الاخوان وهالكلام وتحمست تبي اخوان والله ونقعد على التلفزيون
وتشوف في افلام الكرتون اثنين ماشين سوا قالت يابابا هما اخوان
قلت ايه قالت ابغى اخو وطبعا انا ماسويت شي قلت اطلبي ماما
وتروح عند امها يا ماما ابغى اخو وذيك تطالع باستغراب من الموقف ومعد عرفت تتكلم وتالا لزقت وذي تلف على التلفزيون يعنيني ماني منتبهه وتجلس جنبها تالا ياماما اسمعيني ابغى اخو يمين يسار مافيه امل تالا نشبت لها
قالت اخر شي قالت من وين اجيب لك ما عندي قالت بابا ما عندها قلت الا الا عندها قالت تالا بابا يقول عندك وتطالع فيني بنظره كذا يعني انطم احسن لك بس اني ما سكت قلت حرام جيبي لها اخو قالت لا والله معبيها كمان
قلت بعدين يا تالا اذا صار عندك اخو تلعبون سوا وتنامون سوا جيبي لها اخو حرام عليك تحزن وحدها كل الاولاد عندهم اخوان الا هي طالعي فيها بالله ماتحزن ومسوي اني اضحك وهي من جدي
قالت وش تبون عشاء قلت اللحين اكلمك بسالفه تنطين بالثانيه
انا اسالك اقول تحزن ولا لا
تقولين عشاء قالت ايه تحزن وش تبيني اسوي لها يعني
قلت جيبي لها اخو
قالت لا حول ولا قوة الا بالله العلي العظيم ترا مافي ملح
روح جيب عشان اسوي العشاء
وبعدها كل واحد راح ينام ودقيت عليها وقعد اكلمها وبعدها نمنا وبس
بس هذا اللي صار
|