إجلسي معاه وصارحيه بلحظه هدوء ووضحي حاجتك له وإن ماتقدري تستغني عنه وخاصه مه فكرته بأخذ غرفه لوحده ويترككم بمنطقه ثانيه وتكون كل المسؤوليات عليك ويجي وكأنه ياخذ اجازه منكم لازم يتحمل مسؤوليته تجاه عائلته فهو مسؤول مثل ما إنتي مسؤوله ومثل ما كل شخص فينا مسؤول

بالحوار والهدوء والأسلوب اللين الحسن وبعض الكلمات اللطيفه المدعمه ببعض النظرات تقدري إن شاء الله تغيري فكره شوي شوي

وحاولي قد ماتقدري ماتنسي حق نفسك عليك وتهتمي فيها وتكونين دائما متجدده بالأول علشان نفسك وبالمرتبه الثانيه علشانه
وقبل كل شي استغفري كثير خاصة وانتِ تشتغلين بالبيت وقولي اي دعاء ع بالك بصوت عالي يعني دائما خلي لسانك رطب بذكر الله واستشعري إن الله معاك ويسمعك وبعدين بتصير عاده عندك ذكر الله ..انا كنت اسوي كذا فتره وبعدين سبحان الله وانا اشتغل ما احس بنفسي إلا ادعي وانا اشتغل وصرت استشعر الدعاءواحس ربي قريب مني ويسمعني واحس براحه حتى لو عندي هموم
الله يوفقك ويسخرلك زوجك ويرزقك بر أطفالك وصلاحهم