السلام عليكم بابا شحالك :
يا بابا أنا من يومين في بيت أبوي
أبوي يقولي بياخذني وبنساافر أنا وياه بروحنا سالته وخالد , قعد يصارخ ويقولي ما يخصه بالسالفه , ما قدرت أرد عليه ورحت أتصلت على خالد وسألته خالد قعد يقولي أنا مب راضي ومب راضي على طلعتج من البيت ومب راضي على حياتي وياج ااانصدمت من كلامه ولا رديت حسيت نفسي مخنوقه وقعدت أصيح
نزلت عند أبوي وعلمته أني ما راح أسافر وياه لانه خالد مب راضي تخيل يا بابا أول مره أبوي يقعد يصارخ بوجهي وضربني وقالي أنا المسؤول عنج صدمني أبوي أول مره يسويها عمره ما مد يده عليا .
يا بابا تعبت منهم مب قادره أفهم أحد فيهم أبوي بصوب وخالد بصوب ثاني حتى عمتى يات عندنا كل ما شافتني قعدت تصارخ .
يا بابا انا من شهر ما صرت أشرب الحبوب المهدئه البارحه ما قدرت صرت أشرب فيها عشان ما أطلع من حجرتي ولا أشوف أحد فيهم كرهتهم حتى أبوي .
يا بابا أحس اني ضعيفه مب قادره أواجه أحد فيهم ولا أعترض والكل شاطر يصارخ .
سامحني تعبتك وياي