السلام عليكم بابا أشحالك انشاء الله تكون بخير :
أنا هاليومين كنت مستانسه وهااااااااااااااديه ( حتى خالد مستغرب ) حتى يا بابا رحت وعزمت خالتي وعمي عندي بالجناح على العشاء وخالتي كانت وايد فرحانه وحتى قالت الاسبوع الياي بتسوي عزيمه بتقول عشان لجين .
وأحلى حاجه أني بسير يوم الجمعه بيت أبوي أخيراً خالد اقتنع تعرف البارحه بليل عقب ما رد من برع جلست اوريه رسوماتي
( أحب أرسم) تخيل عصب وجلس يقولي أنا مب فاضي وتعبان خليني أدخل الحجره أرقد أحسن اللي فيني مكفيني مع أني والله ما شفته طول اليوم بس بصراحه دعيييييييييييييت عليه بصوت عالي وهو يسمع ( أنت اللي قلت يا بابا صارخي مثلهم ) أول كان أبوي يوم أوريه رسوماتي كان ياخذها بنفسه ويعلقها على جدران البيت يقول عشان الكل يشوفها وهو مب مكلف على نفسه حتى يشوفها .
شكرا بابا والله يعطيك العافيه .