السلام عليكم ورحمة الله وبركاته:
أولاً حياك الله في بلدك الثاني ونتشرف بمعرفتك .
المدام لغاية لحين لا كلام لو حتى بالغلط ساكته بس أشوف دموع بعيونها من الفجر وانا رايح أصلي هي طلعت من الحجره
( قلت الحمد لله ) وعاد يوم شفتها دخلت حجرة النوم قلت يمكن ربنا نزل الهدايه عليها بعد هذا الاعتكاف وانا ركض رحت أصلي ورديت حصلتها يالسه على الكنب وتشرب عصير دخلت بهدؤ ( والله حسستني كاني اشحت منها ) ويلست عدالها وانا ما مداني اخذ راااااحتي بسولف وياها بحط ايدي عليها الا ويجيني صاروخ منها اسمع شو تقول ( لو سمحت بعد ايدك ولزم حدودك ولا تيجي صوبي ولا تنسى الاتفاق اللي بينا ) عاد أنا هذيج الساعه شياطين تلعب براسي وقعدت أصارخ وياها عاد اونها بتطلع من الحجره , قتلها اذا طلعتي من الحجره والله لاتصل على ابوج وأخوانج وأعمامي بعلمهم على اللي يصير بينا او فيج خير دافعي عن نفسج وأطلعي من الحجره .
هي تمت واقفه عند الباب وردت وهي تصيح طبعها المعتاد لا تهددني فهمت قتلها مب فاهم ورقدي على السرير مثل الحريم الممتزوجات ( والله لو أوصفلك شو سوت في السرير أول ما سكنا عشان ما ترقد عدالي تخيل يابت مخدات طويله وصفتهم بنص السرير صفتهم فوق بعض حتى وجهها ما أقدر أشوفه الا اذا رفعت راسي ) تراها بتموتني ناقص عمر .
قعدت على السرير ( هي متفقه أعاملها على أساس عيال عم كزوجين لالالا وألف لا رافضه تماما ) وانا على صوب ثاني أعطي محاضره وهي تبربر مادي شو تقول وتهددني بأبوها خلصت كلامي من هنا ورحت ناديت الخادمات مساكين حتى هم مبتلشين وياي وقتلهم شيلوا المخدات وحلفت يمين عليها اذا رجعت مخده وحده بذبحها المهم أنها رقدت على السرير ولفت لحاف بطريقه والله خلتني أضحك عليها وقتلها صدق أنج ياهل .
ولا سرت الدوام من اللي صار من الصبح تعذيب نفسي وشد أعصاب معيشتني فيه صدقني ساعات أفكر اتزوج وكم مره أهددها بس مافي فايده فيها ساعات أقولها لو رحت في الحرام بسببج وهي مثل الجدار لا مجيب .
تراني علمتها أنك تباها .
ادعيلي أن الله يثبتني وما استخف على ايدها .