هالمشكلهـ يا خيتي . قابلتهـا في اكثر من منتدى .. وفي كل منتدى يكون ردي وآحد ..
يا اخواتي البناااااااااااات يا خووووووووووووووووواتي ..
والله ثم والله .. ان الرجال يكرهـ الحرمـه الي تلاحقهـ الي ماعندهـا شخصيه ومبدآ ..
بعض البنات يقولوآ ( طيب البنت عاطفيه وحساسه والانثى مخلوقه ضعيفه ايش بتسوي يعني !؟ )
مخلوقـه ضعيفه ؟ الحرمه بالعقل زيهـا زي الرجآل لك حقوق ولك فكر خاص فيك ولك مبآديء
وتأكدوآ ان الرجآل دآئمآ يحب الشيء الغير متوقع من خطيبته او زوجتـه ..
يعني فـي قصه : شاب تقدم لخطبة فتاه .. وهالشاب على طول صار يطلبهـا صور لانه كان مشتاق لهـا مررره
وصار يطلبها ويضغط عليهـا .. وهيآ بجد محتاره .. تعطيه او لا .. لدرجة صار يقولهـا ماتثقي فيآ .... الخ
ورفضت هالبنت تعطي خطيبهـا اي صوره .. قالت له خلينا نسوي ملكه ونتزوج وبعدهـا انآ كلي ملكك،،
وزادت عصبية الولد وصار زعلان فتره ومآني عارف ايش .. ولآ هم البنت لان عندهـا مبدأ صور مآآآآفي يعني مآفي ..
وبعد الملكه والزواج طااااااااااااار فيهـا وصآر حيل يثني عليهـا < يعني فرحان انهـا ماورته صورهـا وقت الخطوبه
ترآ الرجآل يحترم الحرمـه الي تفكر بعقلهـا وتسوي الصح دامهـا واثقه منهـ وتستمر عليه ..
بس كل ماقالهـا كلمـه سوتهـا وراحت تجرررررري تسمع كلامه بكل شي < بيأثر عليهـا ذا الشي بعدين
حتى في رجآل بعد الزواج والله يشوف زوجته زعلانه ولا يسألهـا ليه زعلانه ولا عمرهـ جآ وجبر خاطرهـا او يراضيهـا
لانه خلاص تعووود هيآ بتزعل وبتجيه تراضيه حتى لو ماعملت شي خطأ .
الي بأوصله . الانوثه والدلع وضعف البنت هذي اشياء ربي خلقهـا فيهـا صصح .. بس ماتتعارض مع شخصيتهـا
لازم البنت تكون لهـا شخصيه قويه من أول يوم مع خطيبهـأ .. زي ما انت لك حقوق انآ لي حقوق .. الخ
( ومو كل شي يطلبه الرجآل يعني صح .. بعض النآس يقولوآ القوامه بيد الرجال وعقل الرجل يفهم الامور اكثر من عقل
المرأه اذا الرجل معاه حق .. خطأأأ .. كثير رجآل اخطأوآ وبإصرار الزوجـه وثباتهـا .. تغير زوجهـا للأفضل
ويقول المثل .. وراء كل رجل عظيم امرأه ؛ وقآلوآ ان المرأه هيآ الأم فقط .. لا والله .. المرأه هيآ الام والأخت والزوجـه ..
فكم من زوجه دفعت بزوجهـا الى العلآ .. وكم وكم .. )
اعذرونـي ع الإطآله .. ولاكن نصيحـه لكل بنت . اطيعي زوجك ولآكن ربي ماقال قفلي اذنك وعيونك وعقلك واتبعي زوجك ..
اجعلي لك شخصيه وفكر ورأي سديد .. وكوني ثابته على مبدأك .. وادفعي بزوجك الى العلآ
وغيري من زوجك .. واغرسي فيه الأمور الطيبه الحسنه ..
؛